Romai 6:16 - JAM DE NHIALIC 2011

¹⁶ Kuöckï week an, raan cä wek röt tɔ ye lïïmke, abäk ka ke yen aa looi, yen aya wek lïïmke, yen raan aa wek ka ke looi, nɔn ee yen kërɛɛc ee thuɔɔu bɛ̈ɛ̈i, ku nɔn ee yen pïŋ aa wek ka ke Nhialic piŋ, yen aye piathëpiɔ̈u bɛ̈ɛ̈i?

Romai 6:16 ပူးပေါင်းရင်းမြစ်များ

Cäk 4:7

Na ë yï cï këpiɛth looi, adï kɛ̈n yïn gam? Ku në luɔi kën yïn këpiɛth looi, kërac atit yïn ɣöt thok cït man ë köör, akɔɔr nɔn bï yen yï dɔm, ku abä dhil tiaam.”

Math 20:4

go ke yɔ̈ɔ̈k an, “Lakï domic ayadäŋ ke we bä miɔɔc në kapiɛth. Gokï lɔ.

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Jɔn 8:34

Go Yecu bɛ̈ɛ̈r an, “Wek yɔ̈ɔ̈k ëyic an, ‘Raan ëbɛ̈n raan ë kërac looi, yen aye lïm ë kërac.

Romai 11:2

Nhialic akën kɔcke cuat wei, kɔckɛn cï kɔn lɔc. Kuöckï kë cï këcïgɔ̈ɔ̈r lueel në këde? Läŋ cï Elija Nhialic lɔ̈ŋ në këde Yithriɛl an:

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

1 Kor 3:16

Kuöckï wegup, nɔn aa wek luaŋdïït ë Nhialic, ku nɔn rëërë Wëidït ke Nhialic ë weyiic?

1 Kor 5:6

Lɛc aa wek röt leec acïï piɛth. Kuöckï luɔu thiinakäŋ nɔn ee yen awany dït tɔ piɔ̈ɔ̈r ëbɛ̈n?

1 Kor 6:2

Kuöckï kɔc ɣerpiɔ̈ɔ̈th nɔn bï kek löŋ de kɔc ke piny nɔm aa guiir? Duëër röŋ në guiëër bä wek lööŋ thiiakäŋ aa guiir?

1 Kor 6:3

Kuöckï nɔn bï wo löŋ de tuucnhial aa guiir? Ku na guiëër ë ka ke pinyë nɔm ënɔɔnë, cïï piɔl ee kënë arëët?

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

1 Kor 9:13

Kuöckï kɔc ë ka ke Luaŋdït looi, nɔn ciëm kek ë ka ke Luaŋdït? Ayï kɔc ë këde yïïŋ ee läm looi, kuöckï nɔn ye kek ka ke yïïŋ de läm rɔm?

1 Kor 9:24

Ku na kɔc ë wöör, kuöckï keek nɔn wɛ̈ɛ̈r kek kedhie, ku raan tök en aye miɔɔc ë këdäŋ? Yen aa wek wöör wäkya, ke we bï miɔɔc.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

2 Pet 2:19

Ayek keek yɔ̈ɔ̈k, an, We bï luöny bei ë lïïmic, ku kek gup ayek lïïm ke dhiap de käŋ, raan ë yï tiaam, yen guöp yen abï yï tɔ ye lïm.