Romai 6:12 - JAM DE NHIALIC 2011

¹² Yen duö wek kërac tɔ ceŋ piny ë wegup, gup de yiic thuɔɔu, abäk ŋɔ̈ɔ̈ŋ ee kɔɔr aa gam.

Romai 6:12 ပူးပေါင်းရင်းမြစ်များ

Cäk 4:7

Na ë yï cï këpiɛth looi, adï kɛ̈n yïn gam? Ku në luɔi kën yïn këpiɛth looi, kërac atit yïn ɣöt thok cït man ë köör, akɔɔr nɔn bï yen yï dɔm, ku abä dhil tiaam.”

Diɛt 119:133

Cït man cïn gutguut lueel, muk ɛn du yɛn tɔ tiɛɛm ë kërac.

Diɛt 19:13

Gël ɛn në awäny de kuöc luɔi, du awɛ̈ɛ̈c tɔ ceŋ awundu. Yen abän aa raan cïn guöp gääk ku ciɛ̈n guöp awänydït.

Lebai 13:40

Na de nɔm nhïm ku cï nɔm baar, ka apiɛth guöp.

Kuɛ̈n 33:55

Ku na kɛ̈nkï kɔc ceŋ piny cuɔp wei kek kɔc bï döŋ thïn, abïk aa kɔc de gup akɔ̈ɔ̈k ku abïkï ciët kuɔɔth guut wenyïïn ku we yöth, ku abïk week aa luöi tɔŋ.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 2:8

Ku kɔc ë wël tɛɛr, kɔc reec yic gam, ku gamkï kërac, kek abï diu de Nhialic piɔ̈u yök kekë agɔ̈th.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 6:14

Kërac acïï we bï aa cieŋ, luɔi cä wek ee tɔ̈u ë löŋic, wek ee tɔ̈u ë dhuëëŋdepiɔ̈uwic.

Romai 6:16

Kuöckï week an, raan cä wek röt tɔ ye lïïmke, abäk ka ke yen aa looi, yen aya wek lïïmke, yen raan aa wek ka ke looi, nɔn ee yen kërɛɛc ee thuɔɔu bɛ̈ɛ̈i, ku nɔn ee yen pïŋ aa wek ka ke Nhialic piŋ, yen aye piathëpiɔ̈u bɛ̈ɛ̈i?

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

Romai 8:13

ku të ya wek ka ke guöp looi, ke we bï thou, ku të ya wek luɔi de guöp yiëkic thuɔɔu në riɛl ë Wëi, ke we bï pïïr.

2 Kor 4:11

Ku wo kɔc pïïr, wo ye cool ë yïnë wo thuɔɔu në baŋ de Yecu, luɔi bï pïïr ë Yecu tïc ë guöpda yic guöp de yic thuɔɔu.

2 Kor 5:4

Ku wok kɔc ë tɔ̈u ë paany yic ënɔɔnë, wo ye kïm ëyic, ku yok duɔɔny, ku acie rëër bï wo rëër ke wo cïn kɔ̈ɔ̈th lupɔɔ en kɔɔrku, wo kɔɔr luɔi bï wo kɔ̈ɔ̈th dɛ lupɔɔ, ago këdan kɔɔr thuɔɔu, ago liek ë pïïr.

Galatai 5:16

Ku aluɛɛl alëyɔ̈ɔ̈ an, cathkï në Wëidït yiic, ke we cïï ka kɔɔr guöp bï aa looi.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Epethiei 4:22

an, Bäk raan thɛɛr pɔ̈l në rëërduön ee ya wek rëër wään, raan cï dhiap në biäk de ŋɔ̈ɔ̈ŋ de lueth ŋɔ̈ɔ̈ŋ ë ye dɔm.

Nyöŋ 7:2

Të le Bɛ̈nydït Nhialicdun ë kɔckë tääu në we cin ku tiamkï keek, ke abäk keek dhil nɔ̈k kedhie. Duökï määth loi në keek, ku duökï keek nyuth kokëpiɔ̈u.

1 Theth 4:5

ku cïï e piɔ̈u tum kërac në ŋɔ̈ɔ̈ŋ ee ye dɔm, cït man ë Juöör kuc Nhialic.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Tito 2:12

Ee wo wɛ̈ɛ̈t an, buk kuny kuc Nhialic riëëu jäi, ku jiëikï ŋɔ̈ɔ̈ŋ de ka ke piny nɔm, agoku rëër ke wo ye nïïm tiëër, ku piɛthku piɔ̈ɔ̈th, ku yok Nhialic riëëu ee pinyë nɔm ënɔɔnë,

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.

Juda 1:18

Wël wään cïk ke lɛ̈k week an, “Kööl rial kɔc de gup agɛɛt abïk dhil nu, kɔc bï ŋɔ̈ɔ̈ŋdɛn rac aa kuany cök.”

Bäny 2:3

Ku ënɔɔnë abä lueel aya an, “Acä keek bï bɛ cop në wenïïm, ku abïk aa kuɔɔth guut weyöth. Ku yiëthken abïk aa wïïn ke dɛ̈p tëde week.