Romai 6:10 - JAM DE NHIALIC 2011

¹⁰ Ku thon cï en thou, ee tëde kërac en ë thou en raantök, ku pïïr pïïr en, ee tëde Nhialic en a pïïr en.

Romai 6:10 ပူးပေါင်းရင်းမြစ်များ

Luk 20:38

Acie Nhialic de kɔc cï thou, ee Nhialic de kɔc pïïr: kɔc kedhie apïïrkï në yen.”

Romai 6:11

Ayï week ayadäŋ, yak röt tɔ ye kɔc cï thou ëdhöc tëde kërac, ku takï röt ë kɔc pïïr tëde Nhialic në Kërtho Yecu Bɛ̈nydïïtda.

Romai 6:9

Aŋicku nɔn cïï Kërtho bï bɛ thou, luɔi cï e guɔ jat nhial ë kɔc cï thou yiic, thuɔɔu acïï ye be aa cieŋ.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

2 Kor 5:15

Ku thon thou en në biäk de raan ëbɛ̈n, ee kë cïï kɔc pïïr bï bɛ pïïr ë këde yenhden, ka bïk pïïr ë këde raan cï thou në biäkden ku be rɔt jɔt.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 4:6

Yen aa guïïrë wëlpiɛth kɔc aɣɔ̈l kɔc cï thou, ke löŋden bï guiir ë guiëër ë kɔc rɛ̈ɛ̈r ë guöpic, ku bïk pïïr ë wëi yiic në këde Nhialic piɔ̈u.