Romai 5:8 - JAM DE NHIALIC 2011

⁸ Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

Romai 5:8 ပူးပေါင်းရင်းမြစ်များ

Yith 53:6

Wook wodhie wok cït amɛ̈l cï määr, ŋɛk në wook akuany kueerde yic yetök. Ku Bɛ̈nydït acï këtuc tɔ lööny në yeyeth, këtuc röŋ kekë wook wodhie.

Jɔn 15:13

Acïn raan cath ke nhiëër dïït wär ee kënë an, bï raan wëike gaam në biäk de määthke.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

Romai 5:6

Ku të wään ŋoot wok ke wok cïn riɛl, ke Kërtho ë jɔ thou ëkööldɛn piɛth në biäk de kɔc kuc Nhialic riëëu.

Romai 5:7

Ku raan acïï thuɔɔu duëër dap gam, ciɛk an, ee baŋ de raan piɛthpiɔ̈u, ku abï yiɛ̈n dɛ kɔc töktöök kɔc duëër röt kuɔn thuɔɔu në biäk de raan piɛthpiɔ̈u.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

Romai 8:39

ayï bɛ̈ɛ̈r bɛ̈ɛ̈rë käŋ, ayï tëthuth, ayï të de yen däŋ cï cak, acïn tök ee kakë yiic töŋ bï pɛ̈ɛ̈k lëu, pɛ̈ɛ̈k bï en wo pääk në nhiëër ë Nhialic, nhiëër nu ë Kërtho Yecu Bɛ̈nydïïtda yic.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

1 Tim 1:16

ku yen aa yɔ̈k ɛn kokdepiɔ̈u, ee luɔi bï Yecu Kërtho guömdɛn cï dikëdik ëbɛ̈n tɔ tiëc ë yaguöp, yɛn ë raan nu tueŋë, ku luɔi bä yɛn aa raan bï kɔc woi ku dɔmkï täudï yic kek kɔc bï këde gam agokï pïïr athɛɛr yök.

Ɣeberuu 8:3

Ku na ye bɛ̈nydïït ë kake Nhialic ëbɛ̈n käŋ gam, ka näk, ke Kërtho ayadäŋ aduëër nɔm dɛ kë duëër gam.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.