Romai 5:2 - JAM DE NHIALIC 2011

² Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 5:2 ပူးပေါင်းရင်းမြစ်များ

Diɛt 17:15

Ku yïn bä tïŋ në luɔi ë piathëpiɔ̈u cä looi, na la lɔ pääc, yɛn bï piɔ̈u miɛt në dhuëëŋdu.

Diɛt 73:24

Yïn ee yɛn wat në wëëtdu, ku miäk wadäŋ Yïn bï yɛn loor nɔm në dhuëëŋ.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Ɣabakuk 3:18

ke yɛn bï ŋoot ke ya mit piɔ̈u në biäk konyë Nhialic ɛn.

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Jɔn 10:7

Go Yecu ke bɛ yɔ̈ɔ̈k an, “Wek yɔ̈ɔ̈k ëyic an, Yɛn ee agäu thok, agäu ë thök.

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Romai 11:20

Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei.

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 14:4

Ee yïn ŋa, yïn raan ee lïm de raan däŋ gɔ̈k? Kɔ̈ɔ̈c kɛ̈ɛ̈c en, ku wïïk wïïk en, ee këde bɛ̈nyde guöp etök. Yeka, ku abï mɔ̈k nhial, Nhialic ade riɛl bï en tɔ kääc.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 3:23

kɔc acïk kërac wööc kedhie, ku dɛkï në dhuëëŋ de Nhialic.

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

Romai 8:24

Wo cï kony wëi në aŋäth ŋäthku. Ku kë cï raan tïŋ acie tɔ ye aŋäth. Kë cï raan tïŋ eeŋö duëërë ye bɛ ŋɔ̈ɔ̈th?

1 Kor 15:1

Ku week, mïthëkɔckuɔ, wek aa tɔ ŋic wëlpiɛth cä kɔn guiëër week, wël wään cäk dɔm ayadäŋ, ku yek we tɔ kääc aya.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

Epethiei 2:18

ku në yen, wook waarou wo duëër röt cuöt Wääda në Wëi tök.

Epethiei 3:12

Raan ee wo tɔ ril nyïïn, bï wo röt cuöt tëthiɔ̈k ke wo cïï nyïïn riɔ̈c në gäm cï wok e gam.

Epethiei 6:13

Yen nääm wek ka ke tɔŋ ëbɛ̈n wëu ke Nhialic, luɔi bä wek biök aa lëu apiɛth ëkööl rac, ku të cä wek käŋ thöl kedhie, ke we bï tɔ̈u ë we kääc.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

Nyuuth 21:11

ke cath ke dhuëëŋ de Nhialic, ku ɣɛɛrde acït kuur lɛ̈ɛ̈k tuc ë ɣööcde, acït kuur cɔl jathpi, ë lɔ kïr cït man ë acidhanh cɔl kuruthalo.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 21:3

Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden:

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.