Romai 5:15 - JAM DE NHIALIC 2011

¹⁵ Ku miɔc youyou acïï cït wäc cï raan wööc. Ku na cï kɔc juëc thou në wäc cïï raan tök wööc, ke dhuëëŋ de Nhialic ku miɔ̈c bɔ̈ në dhuëëŋ, dhuëëŋ bïïyë raan tök, Yecu Kërtho, ka cïk röt ŋuak arëët tëde kɔc juëc.

Romai 5:15 ပူးပေါင်းရင်းမြစ်များ

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Luɔi 15:11

Wok gam tei nɔn bï wo kony wëi në dhuëëŋ ë Bɛ̈nydït Yecu Kërtho piɔ̈u, acït man ë kek aya.”

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

2 Kor 5:14

Nhiëër ë Kërtho ee wo cieŋ, ayok lueel alë an, thon ë thuowë raan tök në biäk de raan ëbɛ̈n, ka yen thon cï raan thou ëbɛ̈n ka.

2 Kor 9:15

Thieithieei Nhialic ë biäk de miɔ̈cdɛn ë ye miööc ë dhuëëŋ, miɔ̈c liu eenë!

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

1 Jɔn 5:11

Jam lueel cäätɔ kï: an, Nhialic acï wo gäm pïïr athɛɛr, ku pïïrë anu ë Wëndeyic.