Romai 5:14 - JAM DE NHIALIC 2011

¹⁴ Ku thuɔɔu yen aa ceŋ piny tei, gɔl të ɣɔn nu Adam ɣeet ë Mothe, aa ceŋ kɔc acakaa kɔc kën kërac wööc cït man ë kërɛɛc ë looi Adam, yen acït raan cï lueel an, bï bɛ̈n.

Romai 5:14 ပူးပေါင်းရင်းမြစ်များ

Cäk 19:25

Ku riëëk pɛ̈ɛ̈nydït ayï wak ëbɛ̈n, mɛt ke në kɔc nu ë pɛ̈ɛ̈nydït yiic ëbɛ̈n, agut cï ka ee cil piny.

Cäk 4:8

Ago Kain lɛ̈k Abel mɛnhkënë an, “Lokku ë duumiic.” Na wën, acïk ɣet roor ë duumiic, ke Kain ë puk rɔt mɛnhkënë Abel ku nɛ̈k.

Cäk 7:22

Këriëëc de yic wëi në piny nɔm ëbɛ̈n ë thou ëbɛ̈n abïï ciën töŋ dɔ̈ŋ.

Bɛ̈n 1:22

Na ɣɔn, ke lëk ë Melik de Rip kɔcke kedhie an, “Cuatkï mïthwät Kiir kedhie abïï ciën tök, mïthwät thiik ke Ɣeberuu, ku pälkï duet apïïr.”

Bɛ̈n 1:6

Na ɣɔn aa cïk tɔ̈u ë Rip, ke Jothep ë thou, ku thou wɛ̈ɛ̈takɛcken kedhie, ku thou rɛmden ëbɛ̈n.

Ɣodh 6:7

“Acïk löŋ de mät dhoŋ kɔ̈u, cït man ɣɔn kɔn Adam en dhoŋ kɔ̈u. Akënkï löŋdï bɛ̈n döt ëtɛ̈ɛ̈n.

Jona 4:11

Ku na Yɛn, cä duɛ̈ɛ̈r diɛɛr në këde Ninebe adï, gök de pänydïïtë! Ku ade yic kuën wär bot ku kathiërrou de agum 120,000 ke kɔc cït mïth thiiakäŋ kuc ka loi röt, ku lɔ ɣɔ̈k kɔ̈k mac thïn ayadäŋ.

Romai 5:12

Yen tëde ka, kërac aa bɔ̈ ë piny nɔm në raan tök, ku bɔ̈ thuɔɔu ë kërac cök, go thuɔɔu jɔ lööny ë kɔc gup kedhie, luɔi cï kɔc käŋ wööc kedhie.

Romai 5:17

Ku na cï thuɔɔu piny cieŋ në baŋ de raan tök, në wäc cï raan tök këdäŋ wööc, awär kënë arëët, kɔc yök dït de dhuëëŋdepiɔ̈u ku yeke miɔɔc në piathëpiɔ̈u, kek abï piny cieŋ në pïïr në baŋ de raan tök, Yecu Kërtho.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 8:20

Ku ka cï cak ëbɛ̈n acï ke tääu ë ɣɔ̈ric cök, acie këde piɔ̈nden etök, ku ë këde piɔ̈n ë Raan ɣɔn tɛ̈ɛ̈u keek ë käŋ cök, në ŋäth bï kek e ŋɔ̈ɔ̈th,

Romai 8:22

Ku ka cï cak ëbɛ̈n aŋicku nɔn keŋ kek ëtök ku remë kegup acït man ë tiiŋ kɔɔr dhiëth aɣet cï ënɔɔnë.

1 Kor 15:22

Acït man ë thouwë kɔc kedhie në Adam, yen acït pïïr bï kɔc tɔ pïïr kedhie në Kërtho.

1 Kor 15:45

Yen aa gɛ̈ɛ̈rë ë yen aya an, “Adam raan tueŋ acï aa piɔ̈n pïïr.” Ku Adam raan ciëën acï aa wëi, wëi ë kɔc tɔ pïïr.

Ɣeberuu 9:27

Cït man ye raan thou raantök ku jɔ lɛɛr të ye löŋ guiir.