Romai 5:1 - JAM DE NHIALIC 2011

¹ Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 5:1 ပူးပေါင်းရင်းမြစ်များ

Jop 21:21

Të cïï runken teem kɔ̈ɔ̈th ë piny nɔm, ka cïnic këden thïn në mïthkɛn cï döŋ.

Diɛt 122:6

Läŋkï në biäk de män ë Jeruthalem an: “Kɔc nhiaar yïn abïk kuɛth.

Yith 27:5

Ku të kɔɔr de ater ë kɔckï bä ke kony, ë ke loi mät në Yɛn. Ɣɛɛ, ë ke loi mät në Yɛn.”

Yith 32:17

Kë bïï ë piathëpiɔ̈u looi ee mät, ku kë bïï yök në piathëpiɔ̈uwic ee rëër adiu ku aŋäth ɣet athɛɛr.

Yith 54:13

“Yɛn guöpdï Yɛn bï kɔcku wɛ̈ɛ̈t, ku gäm keek kuɛth ku mät.

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Ɣabakuk 2:4

Ku jamkï an: ‘Kɔc ee karɛc looi acïkï bï pïïr, ku kɔc piɛthpiɔ̈ɔ̈th abïk pïïr në gäm gɛm kek Nhialic.’

Dhek 6:13

Ee yen abï Luaŋdït bɛ yïk, ke bï dhuëëŋ guöp cï melik, ku abï nyuc në thööny nɔm ke ye bɛ̈ny de kɔcke. Ku bɛ̈ny de kake Nhialic abï ya tɔ̈u në yelɔ̈ɔ̈m. Ku abïk dɛ rëër lɔ dïu në kaamden kaarou.’

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Luk 19:42

Lueel an, “Tëë yï cï ka ke mändu guɔ ŋic oou, yïn guöp, ëköölduönë yoou! Ku ënɔɔnë, acï ke guɔ thiaan ë yïnyin.

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Romai 1:17

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Romai 10:10

Gäm ee raan gam ë yepiɔ̈u yen aye yen piathëpiɔ̈u yök, ku luɛɛl ee raan gämde lueel ë yethok yen aye yen kunydewëi yök.

Romai 10:15

Ku bïk aa guiir adï, të kënë ke tooc? Acït man cï e gɔ̈ɔ̈r an, “Eeŋö cï kɔc cök dikëdik alë, kɔc ee wëlpiɛth guiir, wël ke mät, kɔc ë wëlpiɛth guiir, wël ke këpiɛth!”

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:33

Nhialic de mät, ë tɔ̈u ke week wedhie. Amiin.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 3:30

Luɔi ee yen Nhialic töŋë, Raan bï kɔc cï cueel tɔ piɛthpiɔ̈ɔ̈th në gäm, ku tɔ kɔc kënë cueel piɛthpiɔ̈ɔ̈th në gäm ayadäŋ.

Romai 4:5

Ku raan cie luui, ku aye raan gäm, Raan ë kɔc racpiɔ̈ɔ̈th tɔ piɛthpiɔ̈ɔ̈th, gäm gɛ̈m en acï tɔ ye piathëpiɔ̈u.

Romai 5:11

Ku acie yen etök, wok mit piɔ̈ɔ̈th ayadäŋ ë Nhialicic në Bɛ̈nydan Yecu Kërtho, raan ë yök wok mät në yen.

Romai 5:18

Yen tëde ka, acït man cï löŋ de kɔc guiir kedhie, në baŋ de göc de raan tök, ago kɔc yiëk yiëth gääk kedhie, yen acït yöŋ cï kɔc piathëpiɔ̈u yök kedhie në baŋ de luɔi piɛth de raan tök, ke ke bï pïïr.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 3:25

Ku ënɔn cï gäm guɔ bɛ̈n, ke wo cïï be aa mïth nu ë raan ë wo wɛ̈ɛ̈t cök.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Kolothai 1:20

ago käŋ tɔ luukë kedhie në yen, në luɛl cï en mät lueel në riɛm de timdɛn cï rïïu nɔm, nɔn ee kek ka nu ë piny nɔm, ku nɔn ee kek ka nu paannhial, ee Wënde yen aa luuk ke.

Kolothai 3:15

Yak män ë Kërtho tɔ rɛ̈ɛ̈r ë löŋ nɔm ë wepiɔ̈ɔ̈th, yen ee cɔ̈t ë cɔɔlë week në guöp tökic, ku yak dap lueel an, thieithieei.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

2 Theth 3:16

Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.