Romai 4:25 - JAM DE NHIALIC 2011

²⁵ yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 4:25 ပူးပေါင်းရင်းမြစ်များ

Yith 53:4

“Ku acï nuan duëër aa këda guum në nyinda yic, arɛɛm ë duëërku yök ë wok. Në aköl kɔ̈k ye wok nuande tak aaye këtuc ë tuuc ë Nhialic en.

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Danyel 9:26

Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Romai 3:25

raan cïï Nhialic tääu ë kɔc nïïm an, bï aa kë bï Nhialic luk, në gäm bï kɔc riɛmde gam. Kënë ee nyuöth nyooth en piath ë yenpiɔ̈u, ɣɔn pɛ̈l en karɛc cï looi thɛɛr, në liɛɛr ë yenpiɔ̈u,

Romai 5:18

Yen tëde ka, acït man cï löŋ de kɔc guiir kedhie, në baŋ de göc de raan tök, ago kɔc yiëk yiëth gääk kedhie, yen acït yöŋ cï kɔc piathëpiɔ̈u yök kedhie në baŋ de luɔi piɛth de raan tök, ke ke bï pïïr.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

1 Kor 15:17

Ku të kënë Kërtho rɔt jɔt, ke gämdun ee këɣɔ̈ric, wek ŋoot ë wek tɔ̈u ë karɛckun yiic.

2 Kor 5:15

Ku thon thou en në biäk de raan ëbɛ̈n, ee kë cïï kɔc pïïr bï bɛ pïïr ë këde yenhden, ka bïk pïïr ë këde raan cï thou në biäkden ku be rɔt jɔt.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 1:4

Raan cï rɔt gaam në biäk de karɛc cuk looi, luɔi bï en wo luök në pinyë nɔm ënɔɔnë, piny rɛɛcë, në këde piɔ̈n ë Nhialic Wäärda.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 8:3

Ku na ye bɛ̈nydïït ë kake Nhialic ëbɛ̈n käŋ gam, ka näk, ke Kërtho ayadäŋ aduëër nɔm dɛ kë duëër gam.

Ɣeberuu 9:28

Yen acï Kërtho thou, nyiɛɛi karɛc ke kɔc juëc. Ku miäk të le Yen bɛ bɛ̈n në bɛ̈n ee kek rou, acie karɛc kek bï bɛ̈n bɛ nyaai, abï bɛ̈n bï raan ëbɛ̈n raan tit En bɛ̈n kony wëi.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 2:24

Yenguöp ë karɛckuɔ ɣääc ë yeguöp ë tim kɔ̈u, luɔi bï wok thou tëde kërac, ku jɔku pïïr tëde piathëpiɔ̈u, dui ë duiyë ye, en aa tɔ we dem.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.