Romai 4:11 - JAM DE NHIALIC 2011

¹¹ Ago cuɛ̈l nööm, bï aa ŋïny bï ye ŋic, ku bï aa bɔ̈t de piathëpiɔ̈u cï yök në gäm, piathëpiɔ̈u ɣɔn cath kekë yen ɣɔn ŋoot en ke kënë cueel. Ago aa wun kɔc gäm kedhie, acakaa të kënë ke cueel, ke piathëpiɔ̈u bï tɔ ye këden ayadäŋ.

Romai 4:11 ပူးပေါင်းရင်းမြစ်များ

Cäk 17:24

Abraɣam aaye run thiërdhoŋuan ku dhoŋuan ɣɔn cueel ë yen.

Diɛt 47:9

Bäny ke juöör acïk kenïïm kut, në kɔc ke Nhialic de Abraɣam. Raan ril wär rɛm ke tɔŋ kedhie ee Yen, Raandït nu ë kɔc nïïm kedhie.

Bɛ̈n 12:13

Ku riɛm nu ë ɣööt thook, abï Yɛn nyuöth ɣööt rɛ̈ɛ̈r wek thïn. Të lan riɛm tïŋ ɣöt thok, wek bä aa winythook ke cïn kërɛɛc luöi week, të näk Yɛn kɛ̈i.

Bɛ̈n 31:13

“lɛ̈kë kɔc ke Yithriɛl an, ‘Dɔ̈tkï Thabath, kööldiën de lɔ̈ŋ. Në baŋ yen kïn de mät në kaamdï wo week aɣet athɛɛr, kïn bï ye aa nyuɔɔth nɔn cän week tɔ ye kɔc ke nɔmdï Yɛn Bɛ̈nydït.

Bɛ̈n 31:17

Ee kïn bï tɔ̈u anande në kaamdï wo kɔc ke Yithriɛl. Në biäk ë cak Ɛn tënhial ku piny Yɛn Bɛ̈nydït në nïniic kadhetem. Ku në kööl ye akööl dhorou, ke Ya thök në luɔi, ku ja lɔ̈ŋ.’ ”

Edhekiɛl 20:12

Acä ke gäm kööldiën de Thabath ke ye kïn de mät në kaamdï wo keek, bïï keek aa täk nïïm, an yɛn Bɛ̈nydït, acä keek tɔ ɣer yiic.

Edhekiɛl 20:20

Luɔikï Thabath ke ye kööl ɣeric, ago ya kïn ë män cuk looi, ku abï we täk nïïm nɔn ee yɛn Bɛ̈nydït Nhialicdun.

Math 16:16

Go Thimon Petero bɛ̈ɛ̈r an, “Yïn ee Kërtho, Wën ë Nhialic pïïr.”

Math 8:11

Ku alɛ̈k week an, “Kɔc juëc abïk bɛ̈n të lɔ aköl amiäk, ku të lɔ aköl athɛ̈i, bïk ku nyuckï piny në Abraɣam ëtök, ku Yithaak, ku Jakop, ë ciɛɛŋ de paannhialic.

Luk 19:9

Go Yecu lueel an, “Kunydewëi acï bɛ̈n ëköölë, luɔi ee yen wën ë Abraɣam aya.

Jɔn 3:33

Raan ë këde gam, acï gɔ̈ɔ̈r ë katimde an, Nhialic yen aye yic.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Jɔn 6:35

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 6:47

Wek yɔ̈ɔ̈k ëyic: an raan gam ɛn acath ke pïïr athɛɛr.

Jɔn 8:33

Gokï bɛ̈ɛ̈r an, “Wok ee kɔ̈th ke Abraɣam, ku wo kën kɔn aa lïïm ke raan däŋ ëcaŋɣɔn: eeŋö lueel yïn en an, ‘We bï lony?’”

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Romai 10:4

Ku Kërtho yen aye thök de löŋ në këde piathëpiɔ̈u tëde raan ëbɛ̈n raan gäm.

Romai 10:6

Ku piathëpiɔ̈u wën bɔ̈ në gäm aye lueel alë an, “Du luel ë yïpiɔ̈u an, eeŋa bï lɔ paannhial?” (Luɛɛlde kï, ee bïï le en Kërtho bɛ̈ɛ̈i piny).

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 3:26

ku ye nyuöth nyooth en piath ë yenpiɔ̈u ënɔɔnë, nɔn ee yen bɛ̈ny ee löŋ tiiŋic, ku ye bɛ̈ny ee raan gam Yecu tɔ piɛthpiɔ̈u ayadäŋ.

Romai 3:30

Luɔi ee yen Nhialic töŋë, Raan bï kɔc cï cueel tɔ piɛthpiɔ̈ɔ̈th në gäm, ku tɔ kɔc kënë cueel piɛthpiɔ̈ɔ̈th në gäm ayadäŋ.

Romai 4:10

Ë tɔ ye piathëpiɔ̈u adï? Ɣɔn cï ë cueel, ku ye ɣɔn kënë ye cueel? Acie ɣɔn cï cueel, ee ɣɔn kënë ye cueel.

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

Romai 9:33

acït man cï e gɔ̈ɔ̈r an, “Tiëŋkï, yɛn ë kuur ë kɔ̈th tuɛɛl ë Dhiɔnic, ku ye kuur dïït ee kɔc tɔ kɔ̈th arëët, Ku raan ëbɛ̈n raan gam en, acïï bï yäär.”

Romai 9:6

Ku akɛ̈n lueel, nɔn cïn en kë cïï wël ke Nhialic lëu, acie yen. Ku acïkï ee Yithriɛl nïïm kedhie, kek kɔc ke Yithriɛl,

2 Kor 1:22

Raan cï wo gäär piɔ̈ɔ̈th rinke aya, ago wo gäm Wëidït ë wopiɔ̈ɔ̈th, ke ye biäk de kë buk yök rial.

Galatai 3:22

Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Galatai 3:29

Ku të ya wek kɔc ke Kërtho, ke wek ee kɔ̈th de Abraɣam, ku yak kɔc bï käŋ lɔ̈ɔ̈k lak, acït man ë kë cï kɔn lueel.

Galatai 3:7

Yen ŋiɛc wek cöökë an, Kɔc ke gäm kek aye mïth ke Abraɣam.

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Galatai 6:16

Ku kɔc kedhie, kɔc ee mat ë cöökë, ë mät ë ye tɔ̈u ke keek ayï kokdepiɔ̈u, ku ë ke tɔ̈u në Yithriɛl de Nhialic!

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

Epethiei 4:30

Duökï Wëidït ɣer ke Nhialic tɔ dhiau piɔ̈ɔ̈th, Wëi cï we gɔ̈ɔ̈r piɔ̈ɔ̈th ë keek aɣet kööl ë wɛ̈ɛ̈r wëërë kɔc bei ëliŋliŋ.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

Nyuuth 9:4

Ku acï ke yɔ̈ɔ̈k, an, Duökï wɛ̈ɛ̈l ë piny nɔm näk, ayï kë tɔ̈c ëbɛ̈n, ayï tiim ëbɛ̈n, an, Duökï ke näk, ee kɔckë kapäc kɔc kënë gɔ̈ɔ̈r nyïïn tueŋ në katim de Nhialic,