Romai 3:3 - JAM DE NHIALIC 2011

³ Ku na ciɛk dɛ kɔc kɔ̈k kuc käŋ döt, eeŋö däŋ? Kuny kuc kek käŋ döt, bï ŋïny ŋicë Nhialic käŋ döt tɔ cïn naamde?

Romai 3:3 ပူးပေါင်းရင်းမြစ်များ

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Yith 55:11

Yen abï ciët täu de wɛ̈t bä lueel ë yathok, acïï bï ya baaŋ, ke cïï kë cä guiir bï looi, abï këriëëc ëbɛ̈n cä tuöc en lɔ looi.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 24:35

Tënhial abï nyai ayï piny, ku wëlkï acïkï bï nyai ananden.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Romai 10:16

Ku akënkï wëlpiɛth gam kedhie, cït man cï Yithaya ye lueel an, “Bɛ̈nydït, eeŋa cï guiëërda gam?”

Romai 11:29

Miɔ̈c de Nhialic ku cɔ̈l cɔɔl en kɔc, Nhialic acïï keek ee bɛ riic.

Romai 9:6

Ku akɛ̈n lueel, nɔn cïn en kë cïï wël ke Nhialic lëu, acie yen. Ku acïkï ee Yithriɛl nïïm kedhie, kek kɔc ke Yithriɛl,

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2Tim 2:13

Të cïï wok ee kɔc adööt, ka ye tɔ̈u ke ye Raan adöt, acïï rɔt ee lëu ë jiɛi.”

Ɣeberuu 4:2

Ku cït man cï wëlpiɛth ɣëët tëde wook, yen acï kek lɔ tëde keek ayadäŋ. Ku acïn këpiɛth cïk yök në löŋic, në luɔi cï kek e piŋ ku kënkï loor nɔm në gäm.

1 Tham 15:29

Nhialic Adhuɛ̈ŋ de Yithriɛl acie tör ku acïï yenɔm ee waar, në luöi cïï yen ee raan, ago yenɔm aa waar.”