Romai 3:28 - JAM DE NHIALIC 2011

²⁸ Agoku jɔ lueel an, Raan aye tɔ piɛthpiɔ̈u në gäm, të liiuwë luɔi de löŋ thïn.

Romai 3:28 ပူးပေါင်းရင်းမြစ်များ

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Romai 3:26

ku ye nyuöth nyooth en piath ë yenpiɔ̈u ënɔɔnë, nɔn ee yen bɛ̈ny ee löŋ tiiŋic, ku ye bɛ̈ny ee raan gam Yecu tɔ piɛthpiɔ̈u ayadäŋ.

Romai 4:5

Ku raan cie luui, ku aye raan gäm, Raan ë kɔc racpiɔ̈ɔ̈th tɔ piɛthpiɔ̈ɔ̈th, gäm gɛ̈m en acï tɔ ye piathëpiɔ̈u.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 3:24

Yen tëde ka, löŋ en aye raan ë wo wɛ̈ɛ̈t cït mïth, leer wook të nu Kërtho, luɔi bï wo tɔ piɛthpiɔ̈ɔ̈th në gäm.

Galatai 3:8

Ku këcïgɔ̈ɔ̈r, të cï en e kɔn tïŋ nɔn bï Nhialic Juöör tɔ piɛthpiɔ̈ɔ̈th në gäm, ke jɔ wëlpiɛth kɔn guiëër Abraɣam an, “Juöör ëbɛ̈n abï ke thieei në yïn.”

Epethiei 2:9

acï bɔ̈ në luɔi ee raan looi, ka cïn raan duëër rɔt leec.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Tito 3:7

luɔi bï wo tɔ piɛthpiɔ̈ɔ̈th në dhuëëŋ de yenpiɔ̈u, ago wo tɔ ye kɔc bï käŋ lɔ̈ɔ̈k lak në aŋäth ŋɛ̈ɛ̈th wok pïïr athɛɛr.

Jakop 2:18

Yeka, duëërë raan lueel an, “Yïn cath we gäm, ku yɛn cath wo luɔi, nyuöthë yɛn gämdu gäm cïn luɔi cath kekë yen, ku yïn bä nyuöth gämdï në luɔidï.”

Jakop 2:20

Ku yïn, yïn raan ɣɔ̈ric, de yïpiɔ̈u luɔi bï yïn cöökë ŋic an, Gäm cïn luɔi cath kekë yen ë thou?

Jakop 2:24

Acäk jɔ tïŋ ënɔɔnë, nɔn ee raan tɔ piɛthpiɔ̈u në luɔi, ku acie në gäm etök.