Romai 3:21 - JAM DE NHIALIC 2011

²¹ Ku ënɔɔnë piathëpiɔ̈u bɔ̈ tëde Nhialic acï tïc, ku liu löŋ thïn, ku löŋ kekë tït ayek cäätɔɔ në yen.

Romai 3:21 ပူးပေါင်းရင်းမြစ်များ

Cäk 15:6

Ago Abram gämdɛn gɛm en Bɛ̈nydït döt, go Bɛ̈nydït piɔ̈u miɛt kekë yen, në biäk de gämde, go tɔ ye piathëpiɔ̈u.

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 51:8

abïk riäär cï lupɔ cïï ë col cam! Ku luääk bä bɛ̈ɛ̈i abï tɔ̈u aɣet athɛɛr, ku tiëmdï abï tɔ̈u ë ceŋ.”

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Jeremia 33:16

Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Luk 24:44

Go keek yɔ̈ɔ̈k an, “Wëlkï kï, wël wään cä lɛ̈k week, wään ŋuɔɔt ɛn ke ya tɔ̈u wo week an, “Käŋ kedhie abïk dhil aa yith, ka cï gɔ̈ɔ̈r në këdï ë löŋ de Mothe yic, ku tït yiic, ku Diɛt yiic.”

Jɔn 1:45

Go Pilip Nathanyel yök, ku jɔ lɛ̈k en an, “Wok ë raan yök, raan cï Mothe këde gɔ̈ɔ̈r ë löŋic, ayï tït, Yecu de Nadhareth, wën ë Jothep.”

Luɔi 10:43

Ku tït ëbɛ̈n acïk aa cäätɔɔ në këde an, në rin ke yen raan ëbɛ̈n raan gam en abï miɔɔc në nyiɛɛi bï karɛcke nyaai.

Luɔi 15:11

Wok gam tei nɔn bï wo kony wëi në dhuëëŋ ë Bɛ̈nydït Yecu Kërtho piɔ̈u, acït man ë kek aya.”

Luɔi 26:22

Nhialic yen aa kony a tei, aguɔ tɔ̈u aɣët cï ee köölë, ke ya ye cool ë guïïr kɔc, kɔc kor ayï röördït, ku acïn kɔ̈k aa lɛ̈k keek, ee kak ë lueel tït tei, ayï Mothe an, bïk tïc:

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Romai 1:17

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Romai 1:2

Wëlpiɛth cï kɔn tɔ lueel ë tïtke në kacïgɔ̈ɔ̈r yiic ka ɣeriic.

Romai 16:26

Ku acï tɔ tiëc ënɔɔnë, ku tɔ ŋic juöör ëbɛ̈n në kacïgɔ̈ɔ̈r ë tït, acït löŋ cïï Nhialic de pïïr athɛɛr lueel, bï kek wël aa piŋ ku gamkï ke.

Romai 3:28

Agoku jɔ lueel an, Raan aye tɔ piɛthpiɔ̈u në gäm, të liiuwë luɔi de löŋ thïn.

Romai 5:19

Acït man cï kɔc juëc tɔ ye kɔc ë käŋ wööc në dhäŋ cï raan tök löŋ dhɔ̈ŋic, yen acït luɔi bï kɔc juëc tɔ piɛthpiɔ̈ɔ̈th në pïŋ cï raan tök käŋ piŋ.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

2 Kor 3:9

Ku na guiëër ë jäny bï kɔc jɔ̈ɔ̈ny tën ee yen dhuëëŋ, ke guiëër ë piathëpiɔ̈u ee guiëërë wöör ë dhuëëŋ aläldïïtë.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Galatai 3:8

Ku këcïgɔ̈ɔ̈r, të cï en e kɔn tïŋ nɔn bï Nhialic Juöör tɔ piɛthpiɔ̈ɔ̈th në gäm, ke jɔ wëlpiɛth kɔn guiëër Abraɣam an, “Juöör ëbɛ̈n abï ke thieei në yïn.”

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

1 Pet 1:10

Ku kunydewëi aaye tït luɔp arëët, ku yek cök ë kɔɔr kek en, tït ɣɔn ë käŋ caar në këde dhuëëŋdepiɔ̈u bï aa këdun.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho: