Romai 2:9 - JAM DE NHIALIC 2011

⁹ Ku yökkï këtuc bï keek dhal ku acɔ̈t bï kek nïïm acɔ̈t, raan ëbɛ̈n raan ë kërac looi, gɔl ë Judai, mɛt Girikii thïn aya.

Romai 2:9 ပူးပေါင်းရင်းမြစ်များ

2 Lëk 6:23

ke yïn bï piŋ paannhial ku loi luɔidu. Ago raan de guöp awäc luöi këtuc rɔ̈ŋ ke yen, ku päl raan ee këpiɛth looi ku thiei cït man ë tän de piathëpiɔ̈nde.

Diɛt 32:10

Kɔc ee karɛc looi ayek nuan, ku kɔc ee Bɛ̈nydït ŋɔ̈ɔ̈th aye ke gël në nhiëërdɛn agɔk.

Kɛ̈ŋ 11:23

Kë ye kɔc piɛth piɔ̈ɔ̈th kɔɔr ee lɔ guut në këpiɛth, ku lɔ aŋäth de kɔc ee karɛc looi thök në agɔ̈th.

Edhekiɛl 18:4

Pïïr de raan ëbɛ̈n ee këdï, pïïr de wärken ke mïth ku märken ayï pïïr de mïth. Raan ee kërac looi ee yen abï thou.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Math 16:26

Të ciɛmë raan piny nɔm ëbɛ̈n, ku mɛ̈ɛ̈r wëike, ke piathde akou? Bï raan ŋö gam wɛɛr en wëike?

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Luɔi 11:18

Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 28:17

Na wën, aacï nïn kadiäk wan, ke Paulo cɔl röördït ke Judai bïk bɛ̈n guëër të nu yen. Të cï kek guëër, ke jɔ ke yɔ̈ɔ̈k an, “Wäthii, ciɛk an, cïn ater cä cak wokë kɔc, ayï ciɛɛŋ de wärkuɔ, ke yɛn cï yiɛ̈n Romai ë Jeruthalem ke ya mac.

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 10:12

Acïn të cï kɔc keyiic tek, Judai ayï Girikii, ee Bɛ̈nydïït töŋë Bɛ̈ny nu ë kɔc nïïm kedhie, yen ee piɔ̈u adhuɛ̈ŋ ke kɔc cɔl en kedhie.

Romai 2:10

Ku dhuëëŋ ku riëëu ku mät, kek abï tɔ̈u në raan ë këpiɛth looi, gɔl ë Judai, mɛ̈t Girikii thïn aya.

Romai 8:35

Eeŋa bï wo pääk në nhiëër ë Kërtho? Bï ë këril gumku lëu, ayï kërɛɛc dhal wook, ayï yöŋ, ayï cɔk, ayï ciën cïn wokɔ̈ɔ̈th lupɔɔ, ayï riɔ̈ɔ̈c, ayï tɔŋ, de töŋ bï e lëu ë keyiic?

Romai 9:24

ee wook gup, wok kɔc cï cɔɔl, acie Judai yic etök, ee Juööriic aya?

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

2 Theth 1:6

tën ee yen këpiɛth tëde Nhialic luɔi bï en këtuc cool nɔm tëde kɔc ee ye week luöi këtuc,

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?