Romai 2:29 - JAM DE NHIALIC 2011

²⁹ Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

Romai 2:29 ပူးပေါင်းရင်းမြစ်များ

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

Diɛt 45:13

Tiiŋ de melik anu ɣön ë melik, tiëŋkï läkde! Lupɔde acï looi në alanh de adhääp.

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Jeremia 4:4

Mɔ̈kkï mändun në Yɛn Bɛ̈nydïtdun, ku gämkï röt Ɛn, wek kɔc ke Juda ku Jeruthalem. Na cäk ye lɔ looi ke agönhdï abï dëp cït mac në biäk de awɛ̈ɛ̈c cäk looi, abï dëp ku abï ciën raan liiu en.”

Jeremia 9:25

Aye Bɛ̈nydït lueel an, “Akööl abïkï, kööl bän kɔc cï cueel, ayï kɔc kën ë cueel luöi këtuc.

Luk 11:39

Go Bɛ̈nydït yɔ̈ɔ̈k an, “Wek Parithai ënɔɔnë, wek ee bïny coth kɔ̈u abï piath, ku cuɔthkï aduök kɔ̈u, ku weyiic thïn acïk thiäŋ ë wäth ku kërac.

Luk 17:21

Ku acïkï bï lueel an, ‘Yekï eenë!’ Ku an, ‘Yeka ëtɛ̈ɛ̈n!’ Tiëŋkï, Ciɛɛŋ de Nhialic atɔ̈u ë weyiic.”

Jɔn 12:43

aake nhiaar lɛc de kɔc awär lɛc de Nhialic.

Jɔn 4:23

Ku ade kööl bɔ̈, ku anu ënɔɔnë, kööl bïï kɔc wääda lam thïn në wëi ku në yic, kek kɔc ee läm yic kɔɔr: ku Wääda ee kɔc cït keek kɔɔr bïk aa kɔc ë ye lam.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 2:27

Ku raan kënë cueel, në caŋ ë dhiëëthë ye, të cï en löŋ aa tiiŋic, cïï yï bï jɔ̈ɔ̈ny, yïn raan ë löŋ wööcic, acakaa yïn ëye raan cath we jam cï gɔ̈ɔ̈r ayï cuɛ̈l?

Romai 3:1

Ku na Judai ënɔɔnë, wär wɛ̈ɛ̈r en kɔc akuöc? Ku cuɛ̈l, piathdɛn bï bɛ̈ɛ̈i akou?

Romai 7:6

Ku ënɔɔnë, wo cï luöny bei ë löŋ cin, kë wään cï wo mac thïn ë guɔ thou, luɔi bï wok käŋ aa looi në wëi cuk piac yök, ku cuku käŋ ee looi në kathɛɛr cï gɔ̈ɔ̈r ë löŋic.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

1 Kor 7:19

Cuɛ̈l acïn naamde, ku luɔi kënë raan cueel acïn nɔm, ee muŋ ë raan lööŋ ke Nhialic muk, en ade naamde.

2 Kor 10:18

Acie raan lec rɔt etök yen piɛth ëgɔk, ee raan leec Nhialic yen apiɛth.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

Nyöŋ 10:16

Ka ënɔɔnë, gɔl ee köölë yak Bɛ̈nydïtdun riëëu, ku duökï nïïm be riɛl.

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

1 Theth 2:4

Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”