Romai 2:2 - JAM DE NHIALIC 2011

² Ku aŋicku jäny ee Nhialic kɔc jɔ̈ɔ̈ny, kɔc ë ka cït ee kakë looi, nɔn ee yen jäny yic.

Romai 2:2 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Jop 34:23

Nhialic acïn kööldɛn ee tääu piny, bï kɔc lɔ ku bï ke lɔ kuum në Yen.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 9:4

Yïn ee yicdï ŋiëc muk apiɛth, Yïn cï nyuc ë thööny nɔm ku guiir löŋ ë yic.

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Diɛt 98:9

në biäk bïï yen pinynɔm bɛ̈n cieŋ. Abï kɔc ke pinynɔm cieŋ në piathëpiɔ̈u ku yic.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Edhekiɛl 18:25

“Ku ayak lueel an, ‘Kë looi ë Bɛ̈nydït acie yic.’ Piɛŋkï kë luɛɛl wek baai de Yithriɛl. Yak tak kueer ee yɛn käŋ looi acie yic? Ee kueerdun yen cie yic.

Edhekiɛl 18:29

Ku aye lueel yïn baai de Yithriɛl an, ‘Kë looi ë Bɛ̈nydït cie yic. Ayak tak kueerdï acie yic, yak tak aya? Ee kueerdun yen cie yic.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Romai 2:3

Ku yïn ŋadï, yïn raan ee kɔc jɔ̈ɔ̈ny, kɔc ë ka cït ee kakë looi, ku ye kamankë looi gup, ye lueel ë yïpiɔ̈u, an, bä poth ë jäny bï Nhialic yï jɔ̈ɔ̈ny?

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Romai 9:14

Eeŋö buk jɔ lueel? De jam rɛɛc cath ke Nhialic? Ei, acie yen!

Nyuuth 16:5

Guɔ tunynhial de pïïu piŋ a lueel, an, “Yïn piɛthpiɔ̈u, yïn Raan nu, ku yïn Raan ë nu, Raan ɣeric, në guiëër cï yïn löŋ guiir alë!

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”