Romai 2:10 - JAM DE NHIALIC 2011

¹⁰ Ku dhuëëŋ ku riëëu ku mät, kek abï tɔ̈u në raan ë këpiɛth looi, gɔl ë Judai, mɛ̈t Girikii thïn aya.

Romai 2:10 ပူးပေါင်းရင်းမြစ်များ

Jop 22:21

Ka yïn Jop jɔ mat wekë Nhialic, ke bï yï thieei në kajuëc,

Diɛt 15:2

Ee kɔc ee Nhialic riëëu ë këriëëc yic ëbɛ̈n ku yek yic looi ëceŋ, kɔc ee yic lueel në piɔ̈nden ëbɛ̈n,

Diɛt 29:11

Bɛ̈nydït ee kɔcke gäm riɛl, Bɛ̈nydït ee kɔcke thieei në mät.

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Kɛ̈ŋ 8:18

Kuɛth ku dhuëëŋ atɔ̈ukï tëde yɛn ëbɛ̈n, këriëëc kiith bï tɔ̈u anu tëde yɛn.

Yith 26:12

Yïn bï wo gäm mät, Bɛ̈nydït, këriëëc cuk looi ëbɛ̈n, ee Yïn ee ye luöi wook.

Yith 32:17

Kë bïï ë piathëpiɔ̈u looi ee mät, ku kë bïï yök në piathëpiɔ̈uwic ee rëër adiu ku aŋäth ɣet athɛɛr.

Yith 48:18

“Na piɛŋkï lööŋ cä lɛ̈k week tei! Ke athiɛɛi aduëër we kuany cök cït man ë nyin ë pïïu cie dëu! Ku piathëpiɔ̈u aduëër ciët apiöŋ de pïïu në wɛ̈ɛ̈r yɔu.

Yith 48:22

Aye Bɛ̈nydït lueel an, “Acïn kë bï kɔc de gup awɛ̈ɛ̈c kony.”

Yith 55:12

“Yïn bï Babilon nyääŋ piny ke yï mit piɔ̈u, yïn bï lɛɛr biic në pänydïtic në mät. Kur dït ku kur kor abïk wou ke ke ket diɛt, ku tiim abïk dɔl në miɛtëpiɔ̈u.

Yith 57:19

Yɛn cï mät gäm raan ëbɛ̈n, kɔc thiɔ̈k ku kɔc mec. Yɛn bï kɔckï tɔ waar.

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Kuɛ̈n 6:26

Bɛ̈nydït abï yï dhuëëŋ guöp, ku tɔ yïn mät.

Math 10:13

Ku tën ee yen ɣön piɛth ëgɔk, ke we tɔ athiɛɛidun rɛ̈ɛ̈r kekë yen, ku të cïï en ee ɣön piɛth, ke we tɔ athiɛɛidun puk enɔm week.

Luk 1:79

Bï aa many ë kɔc riaau kɔc rɛ̈ɛ̈r tëcol ku rëërkï atïptïïp ë thuɔɔuwic, Ago wo dak cök ë kueer ë mätic.”

Luk 12:37

Thieithieei lïïmkë, lïïm bïï bɛ̈ny yök ke ke tit käŋ, kööl bï en bɛ̈n! Wek yɔ̈ɔ̈k ëyic an, abï ë yic duut, ku jɔ ke tɔ nyuc tën ee cäm, ago bɛ̈ny ke yiɛ̈n këcam.

Luk 19:42

Lueel an, “Tëë yï cï ka ke mändu guɔ ŋic oou, yïn guöp, ëköölduönë yoou! Ku ënɔɔnë, acï ke guɔ thiaan ë yïnyin.

Luk 22:14

Na wën, aacï thaar ee cam bɛ̈n, ke jɔ nyuc, ku nyuc tuuc kathiëër ku rou në yen ëtök.

Luk 9:48

go ke yɔ̈ɔ̈k an, “Raan bï mɛnhthiinë dɔm në rinkï, ka ee yɛn ë dɔm, ku raan koor ë weyiic wedhie, yen abï dït.”

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 10:35

Ku në juöör yiic ëbɛ̈n, raan riëëu en ku ye këpiɛth looi, yen anu ë Nhialic piɔ̈u.

Romai 14:17

Ciɛɛŋ de Nhialic acie cäm ku acie dëk, ee piathëpiɔ̈u, ku mät, ku piɔ̈nmit ë Wëidït ɣer yiic.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 2:9

Ku yökkï këtuc bï keek dhal ku acɔ̈t bï kek nïïm acɔ̈t, raan ëbɛ̈n raan ë kërac looi, gɔl ë Judai, mɛt Girikii thïn aya.

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

Romai 8:6

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

Romai 9:21

Ku cuëny ë töny, cïï cath ke riɛl bï en töny cuëëc kaarou në tiɔɔm töŋë, ee tööny tök këde dhuëëŋ, ku cïï tööny tök ee këde dhuëëŋ?

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

Ɣeberuu 2:7

Acï tɔ koor ë määth në tuucnhial në kaam thiinakäŋ, ku acï gäm nɔm göl ë dhuëëŋ ku riëëu.

Jakop 2:22

Kɛ̈në gäm tïŋ luɔi cï en luui ëtök kekë luɔide, ago gäm aa dikëdik në luɔi.

Jakop 3:13

Eeŋa ë weyiic raan pelnɔm ku ye raan ŋic käŋ? Ee ye luɔide nyuɔɔth në rëër ŋic en rëër ke ye rɔt kuɔɔr piny ë kuur ee raan pelnɔm rɔt kuɔɔr piny.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

1 Pet 5:4

Na ëlëmiäk të cï Tïndïït ë Thök tuöl, Tïn nu ë tïït nïïm, ke we bï göl ë dhuëëŋ yök göl cïï bï biɔɔr anande.

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.