Romai 15:26 - JAM DE NHIALIC 2011

²⁶ Kɔc ke Makedonia kekë Akaya acïk käŋ juɛ̈ɛ̈r kɔc në miɛt ë kekpiɔ̈ɔ̈th kɔc ɣerpiɔ̈ɔ̈th kuanynyïïn nu ë Jeruthalem.

Romai 15:26 ပူးပေါင်းရင်းမြစ်များ

Kɛ̈ŋ 14:21

Awäc atɔ̈u kekë raan ee kɔc thiääk ë yen biɔɔn gup, ku raan ee kɔc kuanynyïïn kony aye thieei.

Kɛ̈ŋ 14:31

Raan ee kɔc kuanynyïïn yɔŋ, alɛ̈ɛ̈t Aciëŋden, ku raan ee piɔ̈u kok ke keek ee Nhialic riëëu.

Kɛ̈ŋ 17:5

Raan ee kɔc kuanynyïïn dɔl gup, alɛ̈ɛ̈t Aciëŋden, ku paan cieŋ nɔk në riäŋ de paan däŋ acïkï bï tɔ̈u ke ke kënë kuum.

Dhek 11:11

Go mät riääk ëtɛ̈ɛ̈n ee kööl manë. Ku ëtɛ̈ɛ̈n, kɔc ë ɣɔɔc thök, ayï kɔc ë ɣɛɛc thök aake woi yɛn. Gokï ŋic nɔn ë jiɛɛm ë Bɛ̈nydït në kë cä looi yic ëbɛ̈n.

Dhek 11:7

Ku kɔc ë ɣɔc thök, mɛ̈tkï në kɔc ë ɣɛɛc keek acïk yɛn riöp tiët, ka yɛn cï ya tïn ë thök wään bïï tɛm röt. Ka yɛn ë thieec nööm kaarou, thieny tök acä cäk an, “Kokdepiɔ̈u. Ku cäk däŋë an, “Mät. Ka yɛn aa tit luny de thök.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Math 26:11

We bï dɛ kɔc kuanynyïïn ë weyiic ecaŋdun, ku yɛn cïï bï tɔ̈u ë weyiic anandï.

Luk 14:13

Ku të looi yïn këcamdït, ke yï cɔl kɔc kuanynyïïn, ku ŋöl, ku kɔc ee kɔm, ku cöör:

Luk 6:20

Na wën, ke jɔ kɔckɛn ë piööcë leec, ku lueel an, “Thieithieei wek kɔc kuanynyïïn, ciɛɛŋ de Nhialic ee këdun!

Luɔi 16:12

Ku jëlku, ëtɛ̈ɛ̈n lok Pilipoi, yen aye pänydït de naamdɛn dït ë Makedonia biäkë, ku ye piny cï Romai ɣap thïn aya, agoku rëër ë pänydïïtë aköölkë.

Luɔi 16:9

Ku tul raan tëde Paulo wakɔ̈u ke ee nyuöth, ee raan ë Makedonia akääc ke läŋ, an, “Bä lɔŋda paan ë Makedonia, bä wo bɛ̈n kony!”

Luɔi 18:12

Na ɣɔn, nu Galio ke ye bɛ̈ny de Akaya, ke Judai ke ke jɔt röt ë piɔ̈n tök lek tɔŋ yiɛ̈n Paulo, ku bïïkï të ye bäny löŋ guiir thïn.

Luɔi 19:21

Na wën, aacï kakë thök, ke lueel Paulo e yepiɔ̈u an, bï lɔ Jeruthalem, të cï en tëëk Makedonia ku Akaya, alueel an, “Na ëlëmiäk, të cän lɔ tɛ̈ɛ̈n, ke yɛn bï Roma dhil tïŋ aya.”

Luɔi 9:13

Go Anania bɛ̈ɛ̈r, an, “Bɛ̈nydït, këde raanë acä piŋ tëde kɔc juëc, në karɛc juëc cï luöi kɔckuön ɣerpiɔ̈ɔ̈th ë Jeruthalem.

1 Kor 16:15

Wek läŋ, wek mïthëkɔckuɔ (wek ŋic dhiën ë Thepana, nɔn ee kek kɔc cï kɔn gam ë Akaya, ku acïk röt gäm luɔi de kuny de kɔc ɣerpiɔ̈ɔ̈th),

1 Kor 16:5

Ku yɛn bï lɔ tëde week, të cän Makedonia kɔn caathic, ku yɛn bï Makedonia dhil caathic.

2 Kor 1:16

Ku nɔn bän tëëk ë welɔ̈m ke ya lɔ Makedonia, aguɔ a nɔm pɔ̈k Makedonia bä tëde week, ke we bï a ruac kueer lɔ Juda.

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 2:13

Acïn lɔ̈ŋ cä yök ë yapiɔ̈u, luɔi kɛ̈n ɛn Tito mɛnhkäi yök: aguɔ kɔckë tɔ̈ɔ̈ŋ, guɔ jäl ëtɛ̈ɛ̈n la Makedonia.

2 Kor 7:5

Wään, të cï wok bɛ̈n Makedonia, wo cïn lɔ̈ŋ cï wogup lɔ̈ŋ, wo cïï këtuc dhal wook tuɔɔk ë biäkë ku biäkë, ë wogup biic, tɔɔŋ aake nu, ku ë wopiɔ̈ɔ̈th thïn, riɔ̈ɔ̈c aa nu.

2 Kor 9:12

Luɔi ë kuny ee kɔc röt konyë ee kɔc ɣerpiɔ̈ɔ̈th tɔ kueth aläl në kë dak keek, ku acie yen etök, piath de luɔiyë ee rɔt ŋuak aya, në luɛl ee kɔc e lueel an, thieithieei Nhialic, ëcaŋɣɔn.

2 Kor 9:2

Yɛn ŋic thök cä wek thök ë guiɛɛk, en a lɛɛc ɛn rɔt në këdun ë kɔc ke Makedonia nïïm an, “Cï Akaya guɔ thök ë guiɛɛk run wään,” ku lɛ̈th ë weyiic acï kɔc juëc aläl tɔ lëth yiic ayadäŋ.

2 Kor 9:4

Ku na de të bï kɔc kɔ̈k ke Makedonia në yɛn ëtök, ku yokkï week akën thök ë guiɛɛk, ka wook (acä bï lueel an, ee week), wo duëër yäär ë aŋäth cï wo week ŋɔ̈ɔ̈th, ku lɛc cï wo röt leec në këdun.

Pilipoi 4:15

Ku cöökë ŋiɛckï aya, wek Pilipoi, ɣɔn ciɛkë wëlpiɛth, ɣɔn jäl ɛn ë Makedonia, acïn ɣön ë Nhialic däŋ cï mat kekë yɛn në këde miɔ̈c ku në këde nɔ̈m, ee week wapäc.

1 Theth 1:7

Aguɔkï aa kɔc bï kɔc täudun aa dɔmic, kɔc nu Makedonia ku Akaya ëbɛ̈n.

1 Theth 1:8

Luɔi cä wek jam de Bɛ̈nydït tɔ kök abï kɔc piŋ, acie Makedonia kekë Akaya kapäc, gämduön cä wek Nhialic gam acï thiëi ë thäi nɔm ëbɛ̈n, ku acïn ke buk dhil lueel.

1 Theth 4:10

Ku kënë ayak looi ayadäŋ tëde mïthëkɔckun kedhie nu Makedonia ëbɛ̈n. Ku wek läŋku, wek mïthëkɔckuɔ, ke nhiëërdun bï lɔ ke ŋuak e nyin arëët.

1 Tim 1:3

Acït man wään yɔ̈ɔ̈k ɛn yïn an, bä döŋ Epetho, wään la yɛn Makedonia, luɔi bï yïn kɔc kɔ̈k yɔ̈ɔ̈k an, Duökï ee wëët ë wëët mɛɛn.

Pile 1:5

Në luɔi cän nhiëërdu piŋ ku piɛŋ gämduön cï yïn Bɛ̈nydït Yecu gam, ku nhiëër nhiɛɛr yïn kɔc ɣerpiɔ̈ɔ̈th kedhie.