Romai 15:19 - JAM DE NHIALIC 2011

¹⁹ ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.

Romai 15:19 ပူးပေါင်းရင်းမြစ်များ

Math 12:28

Ku tën aa yɛn jɔɔk rac ciëëc bei në Wëi ke Nhialic, ke ciɛɛŋ de Nhialic acï bɛ̈n tëde week.

Jɔn 4:48

Go Yecu lueel an, “Të kɛ̈n wek göök tïŋ ayï kake gäi, ka cäkï bï gam anandun.”

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 13:14

Na wën, aa cïk jäl ë Perga, ke ke bɔ̈ Antiokia nu Pithidia, gokï lɔ Luaŋ ë Nhialic ë kööl ë Thabath, lek ku nyuckï.

Luɔi 13:51

Ku keek, të cï kek abuui tɛŋ wei ë kecök në jäny bï kek ke jɔ̈ɔ̈ny, ke ke bɔ̈ Yikoniom.

Luɔi 14:10

go yɔ̈ɔ̈k ë röl dït an, “Kääcë ke yï kim rɔt piny!” Go kɛɛc nhial ku ciɛth.

Luɔi 14:20

Ku të cï kɔcpiööcë ye geeu, ke jɔt rɔt le pänydït, na ɣɔn amiäk, ke jël kekë Baranaba lek Derbe.

Luɔi 14:25

Na wën, aa cïk wël guiir ë Perga, ke ke lɔ Atalia,

Luɔi 14:6

Agokï ŋic kek tuuc, ku kɔtkï, lek ë pɛ̈ɛ̈nydït kɔ̈k, yï Luthura ku Derbe, kek pɛ̈ɛ̈nydït ke Lukonia, ku lekï ë bɛ̈i nu ë kekëc aya.

Luɔi 15:12

Na wën, ke amatnɔm ëbɛ̈n ke ke jɔ mim, ku piŋkï këde Baranaba ku Paulo, ke ke guiir göök ku ka ye kɔc ke gäi, ka cïï Nhialic looi ë Juöör yiic në kecin.

Luɔi 16:18

Go kënë looi ë akööl juëc. Na wën, ke Paulo diu piɔ̈u, ku puk rɔt, yöök jɔŋë an, “Në rin ke Yecu Kërtho yïn yɔ̈ɔ̈k an, bä bei ë yeguöp.” Go bɛ̈n bei ë thaar manë guöp.

Luɔi 17:10

Go wäthii Paulo dap tɔ jël wakɔ̈u kekë Thila, lek Beroya. Na wën, aa cïk ɣeet, ke ke lɔ luaŋ ee Judai lɔ̈ŋ thïn.

Luɔi 17:15

Go kɔc wën ruɛc Paulo agokï lɛɛr ɣeetkï Athenai, na wën, aacï Paulo ke thɔn an, bïk Thila ku Timotheo yɔ̈ɔ̈k an, bankï wecök, ke we bɔ̈ të nuö yɛn, ke ke jɔ jäl.

Luɔi 18:1

Na wën, aacï kakë thök, ke jël ë Athenai, bï Korinth.

Luɔi 18:19

Go bɛ̈n Epetho, ku nyiëëŋ keek piny ëtɛ̈ɛ̈n. Na wën, ke yenguöp ke lɔ luaŋ ë Nhialic, le wël guiir kekë Judai.

Luɔi 19:1

Na wën, të ŋoot Apolo ke tɔ̈u ë Korinth, ke Paulo bɔ̈ Epetho, të cï en bɛ̈i rɛɛr caath yiic, ku yök kɔc töktöök ëtɛ̈ɛ̈n kɔcpiööcë:

Luɔi 20:20

Ku aŋiɛckï aya nɔn cïn en jam cä pɛ̈n week, jam duëër we muk, yɛn aaye week guiëër wël ku wɛ̈ɛ̈t week ë kɔc nïïm ayï ɣööt yiic.

Luɔi 20:6

Ku wook, wo ë jël Pilipoi ë abël, të cï akööl ke Dhuëëŋ de Kuïn Cïnic Luɔu thök, goku bɛ̈n të nu kek ë Toroa ë nïn kadhïc, ku rɛ̈ɛ̈rku ëtɛ̈ɛ̈n ë nïn kadhorou.

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Romai 15:24

ke yɛn bï jɔ lɔ tëde week, miäk të keny ɛn Tarcic, (yɛn de piɔ̈u luɔi bän we tïŋ miäk të tɛ̈ɛ̈k ɛn, aguɔkï ya ruac kueer lɔ tɛ̈ɛ̈n, të cän piɔ̈u kɔn a yum ëmääth ë abärɔdun).

1 Kor 2:4

Ku jamdï ayï guiëër ë ya yɛn guïïr aake cïn yiic wël ee kɔc wëŋ, wël ke pɛlënɔm de raan, aake ye cath në nyuuth ee Wëidït ke nyuɔɔth ayï riɛldɛndït,

2 Kor 12:12

Ŋïny duëërë ye ŋic nɔn aa yɛn tuc ë guɔ looi ë weyiic në yic në guöm de këriëëc ëbɛ̈n, ku në göök ku ka gɛ̈iyë kɔc, ku luɔi ril ëbɛ̈n.

Galatai 3:5

Raan ee week yiɛ̈n Wëidït ënɔɔnë, ku ye luɔi ril looi ë weyiic, ee luɔi de löŋ en ë ye yen e looi, ku ye looi në gäm de kë cï piŋ?

Kolothai 1:25

Ku yɛn cï tɔ ye raan ee ka ke ɣön ë Nhialic looi, në tɛ̈ɛ̈u cïï Nhialic luɔi tääu ë yacin në këdun, bä jam ë Nhialic thöl ë guiëër,

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.