Romai 15:15 - JAM DE NHIALIC 2011

¹⁵ Ku we cä gäär cök kɔ̈k ke ya ril nyin arëët, ë täŋ täk ɛn wenïïm në kë cäk kɔn ŋic, në baŋ de dhuëëŋ cï Nhialic gäm ɛn.

Romai 15:15 ပူးပေါင်းရင်းမြစ်များ

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Romai 12:6

Ku ënɔɔnë, luɔi ciɛth wok në ka cï gäm wook ka kith yiic bïk röŋ në luɔi de dhuëëŋ cï gäm wook, nɔn ee yen cäär ee wok cɔ̈ɔ̈r, yok cɔ̈ɔ̈r ë cɔ̈ɔ̈r ee röŋ ke gämda,

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 3:10

Luɔi luɔɔi ɛn kë cï tääu ë yacin në dhuëëŋ de Nhialic nu ë atëët nïïm, ku ee raan däŋ yen ayïk thïn. Ku tɔ raan ëbɛ̈n cök ë woi en yïŋ yïk en thïn.

Galatai 2:9

Na wën, të cï kek dhuëëŋ ŋic dhuëëŋ cï gäm ɛn, ke yï Jakop, ku Kepath, ku Jɔn, kɔc cï tɔ ye mëën ke ɣön ë Nhialic, ke ke gɛ̈m wook cin cuëëc ke määth, yɛn wokë Baranaba an, buk lɔ tëde Juöör, ku lekï tëde aŋueel.

1 Tim 4:6

Të ee yïn mïthëkɔckuɔ täk nïïm ee kakë, ke yïn bï aa raan ee ka ke Yecu Kërtho looi apiɛth, raan cï ŋiëc muk në wël ke gäm ku wëët piɛth wëët cï kuany cök ëgɔk.

2Tim 1:6

En a täk ɛn yïnɔm, luɔi bï yïn miɔ̈c de Nhialic aa kooth abï dëp apiɛth cït man ë mac, miɔ̈c cath ke yïn në thäny cän yï thany ë yacin.

2Tim 2:14

Ye keek täk nïïm ë kakë, ku ye cök ë yöök yïn ke ë Bɛ̈nydït nɔm, ke ke cïï wël bï aa tɛɛr ë teer cïn këpiɛth ee yök thïn, teer ee kɔc pïŋ riɔ̈ɔ̈k piɔ̈ɔ̈th.

Tito 3:1

Ye ke täk nïïm ke ke bï aa rëër ë bäny cök, ku rëërkï ë kɔc nu ë kenïïm cök, ku yek löŋ piŋ, ku yek luɔi piɛth ëbɛ̈n dap gam.

Ɣeberuu 13:22

Wek liɛm mïthëkɔckuɔ an, Ruɔmkï wepiɔ̈ɔ̈th në pïŋ de jam de riëtëpiɔ̈u cï lɛ̈k weekë bäk dɔmic aril. Kek ka lik ë gäär week ka.

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

2 Pet 3:15

Ku jakï liɛɛr ë Bɛ̈nydïïtda piɔ̈u tɔ ye kunydewëi, acït man cï Paulo mɛnhkënëdan nhiaar e gäär week, në këde pɛlënɔm cï yiɛ̈n en.

1 Jɔn 5:13

Kakë acä ke gäär week, ke bäk ŋic nɔn cath wek në pïïr athɛɛr, wek kɔc cï rin ke Wën ë Nhialic gam.