Romai 14:19 - JAM DE NHIALIC 2011

¹⁹ Yen ee wok ka ke mät cop ayï ka ke kuɛ̈t bï wok kueet.

Romai 14:19 ပူးပေါင်းရင်းမြစ်များ

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Diɛt 34:14

Päl kërac ku loi këpiɛth, ye mät kɔɔr në piɔ̈ndu ëbɛ̈n.

Math 5:9

Thieithieei ë kɔc ë kɔc määt, abï ke tɔ ye wɛ̈ɛ̈t ke Nhialic.

Mak 9:50

“Amilɔ yen apiɛth: ku na cï amilɔ guɔ liɛɛr ë thuat, bäk tɔ wac ë ŋö? Yak dɛ amilɔ ë weyiic, ku yak rëër ëdïu wapäc.”

Romai 12:18

Të lɛ̈u wek rëër ëmääth në kɔc kedhie, ke we them rëër bä wek rëër.

Romai 15:2

Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet.

1 Kor 10:23

Käŋ kedhie acï ke päl ɛn, ku käŋ acïkï de piathden kedhie, käŋ acï ke päl ɛn kedhie, ku käŋ acïkï kɔc ee kueet kedhie.

1 Kor 10:33

acït man ë yɛn, yɛn ee kɔc tɔ mit piɔ̈ɔ̈th në këriëëcic ëbɛ̈n, yɛn cïï piathdï ee kɔɔr, ee piath de kɔc juëc en aa ya kɔɔr, luɔi bï ke kony wëi.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

1 Kor 14:3

Ku raan ee wël guiir ee guïïr ke kɔc ë ke bï kueet, ku bï ke riit piɔ̈ɔ̈th, ku luk ke piɔ̈ɔ̈th.

1 Kor 14:4

Raan ee jam ë thoŋ mɛɛn ee rɔt kueet etök, ku raan ee wël guiir ee ɣön ë Nhialic kueet.

1 Kor 14:5

Ku yɛn duëër piɔ̈u miɛt të ya wek jam ë thook mɛɛn wedhie, ku luɔi bä wek wël aa guiir yen anu ë yapiɔ̈u arëët. Ku raan ee wël guiir yen adït awär raan ee jam ee thook mɛɛn, të kën en jam puk, ke ɣön ë Nhialic ë bï kueet.

1 Kor 7:15

Ku raan kën gam, të jël en, ke lɔ: na loi yen aya, ke raan cï gam, nɔn ee yen moc ku nɔn ee yen tik, acïn kë cï e mac, cït man ë lïm: ku Nhialic acï wo cɔɔl në këde mät.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Epethiei 4:12

Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

1 Tim 1:4

Ku duökï päärëkɔ̈ɔ̈r ee piŋ, ayï jam de rɛm thɛɛr, jam cïn pëkde, ee kak ee teer bɛ̈ɛ̈i tei, ku acïkï kɔc ee tɔ kuet në ka ke Nhialic ku në gäm: jɔ keek aa yɔ̈ɔ̈k wuya, mɛnhdï.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

1 Pet 3:11

Ë ye rɔt yal ë luɔi de kërac, ku ye këpiɛth jɔ looi, ë ye mät kɔɔr, ku jɔ aa cop.