Romai 14:15 - JAM DE NHIALIC 2011

¹⁵ Të cï mɛnhkui piɔ̈u diu në baŋ de rïïŋduön ë cuet, ke yïn cïï be rëër ë rëër ë nhiëër. Du raan riäk në rïïŋduön ë cuet, raan wään thouwë Kërtho në biäkde.

Romai 14:15 ပူးပေါင်းရင်းမြစ်များ

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Romai 13:10

Nhialic acïn kërɛɛc ee luöi raan rɛ̈ɛ̈r ke raan, yen aye nhiëër löŋ tiiŋic.

Romai 14:20

Du luɔi de Nhialic riäk në baŋ de rïŋ. Këriëëc ëbɛ̈n aɣeric tei, ku ee kërac tëde raan ë këdäŋ cam, ago käŋ wööc thïn.

Romai 15:2

Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet.

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.