Romai 13:11 - JAM DE NHIALIC 2011

¹¹ Ku cöökë aya an, “Yak piny ŋic, nɔn ee yen akööl bï wok dhil pääc ë nïnic, kuny bï wo kony wëi ë guɔ thiɔ̈k ënɔɔnë awär wään kɔn wok gam.

Romai 13:11 ပူးပေါင်းရင်းမြစ်များ

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Jona 1:6

Na wën, ke yök ë bɛ̈ny de abël wïïr en ëtɛ̈ɛ̈n, ku lëk en an, “Eeŋö loi ke yï nin? Jɔt rɔt ku cɔl yanhdu. Na de të bïï yen piɔ̈u kok ke wook ku luɛ̈k wo wëi.

Math 16:3

Na miäk, ka yak lueel an, ‘Deŋ ajöt ëköölë, tënhial acï thiɛth ku ariëël anu.’ Wek kɔc de yäc aguk, we ŋic nhial woi yic aguɔkï piny ŋic täu bï en tɔ̈u, ku ŋïny bä wek täu de run ŋic adhal week!

Luk 21:28

Ku të cï kakë röt gɔl ë bɛ̈n, jakï nhial lieec, ku jatkï wenïïm, wɛ̈ɛ̈rduön bï we wɛ̈ɛ̈r bei ee guɔ thiɔ̈k.”

1 Kor 10:11

Ku ënɔɔnë, kakë kedhie aake yök keek, ke ke bï aa ka bï wo wɛ̈ɛ̈t, ku acï ke gɔ̈ɔ̈r në nën bï wo nen, wok kɔc cï thök de piny guɔ ɣëët tëde wook.

1 Kor 15:34

Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

Jakop 5:8

Ku week, yak piɔ̈ɔ̈th liɛɛr ayadäŋ, cök ë ruɔm wek wepiɔ̈ɔ̈th, bɛ̈n ë Bɛ̈nydït ë guɔ thiɔ̈k.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

2 Pet 3:11

Ku ënɔɔnë, nɔn bï kake riääk kedhie, bäk dhil aa kɔc cït ŋö në rëërduön ɣeric aa wek rëër ku riëëuduön aa wek Nhialic riëëu,

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.

1 Jɔn 2:18

Wek mïththiaakäŋ, thaar ë thök de piny kï: ku acït man cä wek e kɔn piŋ nɔn bï raan man Kërtho bɛ̈n, en a cï kɔc juëc man Kërtho röt guɔ yök ënɔɔnë, ku yen a ŋicku ye nɔn ee yen thaar ë thök de piny.

Nyuuth 1:3

Thieitheei raan ë wël kueen ayï kɔc ë wël ke ka guiir ënɔɔnë piŋ, ku jɔkï kacïgɔ̈ɔ̈r thïn aa döt: ë luɔi cï akööl thiɔ̈k.

Nyuuth 22:10

Go ya yɔ̈ɔ̈k, an, “Du wël cï guiir bot thook wël ke awerekë, piny acï thiɔ̈k.

Nyuuth 22:12

Go Yecu lueel an, “Ya kï, bɔ̈yë ënɔɔnë, ku yɛn cath wo ariöpdiën bä gäm raan ëbɛ̈n në kë rɔ̈ŋ ke luɔide.

Nyuuth 22:20

Cäätɔ luel kakë alueel, an, “Ee yic, ya kï bɔ̈yë ënɔɔnë. Amiin!” Bä, Bɛ̈nydït Yecu!