Romai 12:8 - JAM DE NHIALIC 2011

⁸ ku raan ë kɔc guiëër wël, ë ye kɔc guiëër apiɛth, raan ë miööc, ë ye miööc ë piɔ̈n tök, raan nu ë kɔc nïïm, ë ye këde looi ke lëth guöp, raan ë piɔ̈u kok, ë ye luui ë piɔ̈n mit.

Romai 12:8 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 112:9

Ee kɔc kuanynyïïn miɔɔc në dhuëëŋ, ku piathëpiɔ̈nde abï tɔ̈u athɛɛr, abï riɛl ku ye riëëu.

Diɛt 37:21

Raan rac ee dhëën ku acie col, ku raan piɛthpiɔ̈u ee amiööc ee käŋ gam baaŋ.

Kɛ̈ŋ 22:9

Amiööc aye thieei në luɔi yen rɔm ke kɔc kuanynyïïn.

Wɛ̈ɛ̈t 11:6

Ye com miäk rial ku thëën ayadäŋ. Në baŋ kuc yïn nɔn ee cum tök yen bï piath awär däŋë, ku nɔn bï kek luɔk kedhie.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Yith 32:5

Acïn raan bï raan piɔlpiɔ̈u bɛ aa riëëu ayï raan ee kɔc wëŋ.

Yith 32:8

Ku raan piɛth ee luui apiɛth ku kɔ̈ɔ̈c aril në yicic.

Yith 64:5

Wek ee kɔc loor nïïm kɔc ee miɛtëpiɔ̈u yök në luɔi de piathëpiɔ̈u, kɔc ee kathɛɛr tak në kueer kɔ̈ɔ̈rë keek bïk pïïr. Yïn aa göth we wook, ku lokku ke wo loi awɛ̈ɛ̈c, cakaa wään cï yïn göth aläl, wo cï bɛ̈n lɔ tueŋ në luɔi de awɛ̈ɛ̈c gɔl ee të thɛɛr ɣɔn.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 13:12

Na wën, aacï bɛ̈ny kë cï looi tïŋ, ke gäm, acï gäi në wëët ë Bɛ̈nydït.

Luɔi 13:15

Na wën, të cï löŋ guɔ thök ë kuɛ̈n kekë tït, ke bɛ̈ny ë luaŋ ë Nhialic ke tuc raan keek an, “We wäthii, na de jam bäk guiëër kɔc, luɛlkï këdun.”

Luɔi 15:32

Go Judath ku Thila, luɔi ee kek tït aya, agokï wäthii guiëër wël juëc, ku ritkï kepiɔ̈ɔ̈th,

Luɔi 20:2

Ku të cï en pinyë caathic, go kɔcpiööcë riit piɔ̈ɔ̈th në wël juëc, ke jɔ bɛ̈n paan ë Girikii.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 4:36

Ku ade mony cɔl Jothep, mony cï tuuc cäk rinke an, Baranaba (yen aye wën ë Muŋdepiɔ̈u, të pukë yen ë thoŋda), ku ye raan ë Lebi, paanden ee Thaiperuth,

Romai 12:13

Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Romai 13:6

Ku yen a ya wek athölbö kut aya, ayek kɔc ee ka ke Nhialic looi, kɔc ee cool ë tit luɔi manë guöp.

1 Kor 12:28

Ku Nhialic aye kɔc kɔ̈k tääu ë ɣön ë Nhialic yic, kɔc tueŋ kek aye tuuc, kɔc lɔ ë kecök, kek aye kɔc ee wël guiir, ku lɔ kɔc ee wëët, ku lɔ luɔi ril, ku riɛl bï kɔc aa tɔ dem, ku kuny konyë kɔc röt, ku ciɛɛŋ, ku thook mɛɛn pei.

1 Kor 14:3

Ku raan ee wël guiir ee guïïr ke kɔc ë ke bï kueet, ku bï ke riit piɔ̈ɔ̈th, ku luk ke piɔ̈ɔ̈th.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 9:11

ke we bï tɔ kueth ë këriëëc abäk piɔ̈ɔ̈th adhuɛ̈ŋ aläl, en aye Nhialic tɔ yök lɛc në wook.

2 Kor 9:13

Ŋïny cï kek we ŋic piɔ̈ɔ̈th në luɔiduönë, yen aye kek Nhialic lɛc nɔm, në biäk de rëër rɛ̈ɛ̈r wek ë gämic gäm de wëlpiɛth ke Kërtho, ku në biäk de piɔ̈nduön adhuɛ̈ŋ aa wek keek miɔɔc ë kakun ayï kɔc kedhie.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

Epethiei 6:5

Wek lïïm, yak ka ke bänykuön ë week cieŋ gup piŋ, në riëëu ku lɛ̈thë guöp, në piɔ̈n cïnic anäinäi, cït man ee yen Kërtho en luööikï.

Nyöŋ 15:14

Miɔc keek në dhuëëŋ, në käŋiic, ka cï Bɛ̈nydït ke yïn thieei, yï amɛ̈l, ku rap, ku mɔ̈u.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Kolothai 3:22

Wek lïïm, yak ka ke bänykun piŋ, bäny ceŋ wegup, duökï ee luui ë kë woi kɔc, cït man ë kɔc ë kɔc math nyïïn, yak luui në piɔ̈n cïnic anäinäi, në riëëu riëëu wek Nhialic.

1 Theth 2:3

Ku guiëër ee wo wël guiir aa cïnic mɛth ee kɔc math, ayï jam col aa liu thïn, ayï ruëëny:

1 Theth 2:8

Ku në täŋ ee wok week tak arëët, en aaye wok piɔ̈ɔ̈th miɛt, luɔi yïn wo week wëlpiɛth ke Kërtho, ku acie keek kapäc, ee wëikuɔ ayadäŋ, në nhiëër cï wo nhiaar aläl!

1 Tim 4:13

Aɣɔ̈l të bän bɛ̈n, ye cök ë kuën yïn, ku guiir wël, ku wɛ̈ɛ̈të kɔc.

1 Tim 5:17

Röördït nu ë kɔc nïïm röör ee kɔc tiit apiɛth, tɔ ke de naamden, bï ke riëëu ë riëëu dït, ku kɔc ee luui aläl ë jam ku wëët, kek abï dɛ riëëu dït aläl.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

Ɣeberuu 10:25

Duökï ee mɔ̈l ëbɛ̈n tëde läm, cït man ye kɔc kɔ̈k e looi, ë ŋɛk ë ye ŋɛk riit piɔ̈u në luɔi cïï akööl ke bɛ̈n ë Bɛ̈nydït Kërtho ɣëët tëthiɔ̈k.

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 13:22

Wek liɛm mïthëkɔckuɔ an, Ruɔmkï wepiɔ̈ɔ̈th në pïŋ de jam de riëtëpiɔ̈u cï lɛ̈k weekë bäk dɔmic aril. Kek ka lik ë gäär week ka.

Ɣeberuu 13:24

Thiëckï kɔc nu ë wenïïm ku kɔc ɣerpiɔ̈ɔ̈th kedhie, an we ye kɔc nu Yitalia ke thiëëc.

Ɣeberuu 13:7

Yak wenïïm tak në kɔc ë we jääm, kɔc wään wëët week në jam ë Nhialic, yak wëët në pïïrdenic ayï thonden, yak gämden tääu në wekɔ̈ɔ̈th cït man ë lupɔɔ ciɛŋkï.