Romai 12:2 - JAM DE NHIALIC 2011

² Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Romai 12:2 ပူးပေါင်းရင်းမြစ်များ

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Diɛt 119:103

Të thiëëpë wëëtdu amit aläl amit awär miök de kiëc në yathok!

Diɛt 119:128

Yen akuany ɛn wëëtdu cök, yɛn man kuɛɛr rac ëbɛ̈n.

Diɛt 119:174

Yɛn ŋäth kuɔɔnydu Bɛ̈nydït! Yɛn ee miɛtëpiɔ̈u yök në löŋdu yic.

Diɛt 119:72

Löŋ cï gäm yɛn anyuth yɛn kajuëc awär adhääp ku atek ke pinynɔm.

Diɛt 119:97

Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.

Diɛt 34:8

Them tei, ku tïŋ luɔi piɛth de Bɛ̈nydït. Thieithieei në raan ye Bɛ̈nydït gël.

Diɛt 51:10

Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Bɛ̈n 23:2

Du ee mat wekë kɔc juëc të cïï kek wööc, ku të gɛm kek löŋ lueth mɛ̈ɛ̈r kek yic.

Edhekiɛl 18:31

Pälkï luɔi de karɛc wään yak looi, ku gämkï röt täŋ piɛth ku piɔ̈ɔ̈th piɛth. Eeŋö kaar wek thuɔɔu baai de Yithriɛl?

Edhekiɛl 36:26

Wek bä ke gäm piɔ̈ɔ̈th cï piac cak ku nïïm cï piac looi. Yɛn bï riɛl ë nɔmduön cït kuur nyaai ku gäm week piɔ̈n de riëëu.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Mak 4:19

na wën, ke diɛɛr ee kek diɛɛr ë ka ke piny nɔm, ayï mɛth ee juëc de wëu keek math, ayï ŋɔ̈ɔ̈ŋ de ka kɔ̈k, ke ke lɔ thïn, ku nyiickï jam, agokï cuö lok.

Jɔn 14:30

Ëlë, yɛn cïï bï bɛ jam wo week arëët: bɛ̈ny ceŋ pinyë nɔm abɔ̈, ku acïn këdɛn nu tëde yɛn,

Jɔn 15:19

Tëë we ye kɔckɛn ë kɔc ke piny nɔm, ke kɔc ke piny nɔm adï nhiaarkï kɔcken: ku ënɔɔnë, ë luɔi cä wek ee kɔckɛn ë kɔc ke piny nɔm, ku we cä lɔ̈c bei ë piny nɔm, yen amɛɛnë kɔc ke piny nɔm week.

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Jɔn 7:7

Kɔc ke piny nɔm acïkï we duëër maan, ee yɛn mankï, në luɛl aa yɛn ë lueel an, luɔiden arac.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 7:12

Yen tëde ka, löŋ aɣeric ë yic, ku cöök de löŋ aɣeric, ku diik, ku piɛth.

Romai 7:14

Löŋ aŋicku nɔn ee yen këde wëi, ku yɛn ee raan ë piny tei, yɛn cï ɣaac ka yɛn cï aa lïm de kërac.

Romai 7:22

Yɛn mit piɔ̈u wokë löŋ de Nhialic ë yayic thïn,

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 1:4

Raan cï rɔt gaam në biäk de karɛc cuk looi, luɔi bï en wo luök në pinyë nɔm ënɔɔnë, piny rɛɛcë, në këde piɔ̈n ë Nhialic Wäärda.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Epethiei 5:17

Yen duö wek röt tɔ ye kɔc mum nïïm, yak röt tɔ ye kɔc ŋic këde piɔ̈n ë Bɛ̈nydït.

Kolothai 1:9

Yen aye wok cool ë läŋ Nhialic në biäkdun acïn pëk, gɔl ëkööl ɣɔn kɔn wok e piŋ, ke we bï kuɛth ë ŋïny ŋiɛc wek këde piɔ̈nde në pɛlënɔm ëbɛ̈n ku në yöŋ aa wek ka ke wëi yök yiic,

Kolothai 3:10

ku cäk raan ë piac cak tääu abäk cieŋ, raan ë be ë Nhialic cak Aciëŋde, ke bï käŋ ŋic ëgɔk, ku bïï ciët täu de raan ë cak en.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 4:3

Këde piɔ̈n ë Nhialic kï an, Ɣɛɛr bä wek piɔ̈ɔ̈th ɣɛɛr, ku päl bä wek kɔ̈ɔ̈rëdiäär pɔ̈l.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

1 Pet 1:14

Yak ciët mïth ee käŋ piŋ, aguɔkï cuö rɛ̈ɛ̈r ë rëërduön wään në këde ŋɔ̈ɔ̈ŋduön wään ee we dɔm në kuny aa wek këpiɛth kuc.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

1 Pet 2:3

Të cä wek dhuëëŋ de Bɛ̈nydït piɔ̈u yök ë yic.

1 Pet 4:2

Ago täu täu wek ë guöpic ë aköölkuön ë pïïr cï döŋ tëde week, ke cïï bï aa këde ŋɔ̈ɔ̈ŋ ë kɔc dɔm, abï aa këde piɔ̈n ë Nhialic.

2 Pet 1:4

Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.

2 Pet 2:20

Ku na kɔc cï kɔn poth në kacol ke piny nɔm, në ŋïny ee kek Bɛ̈nydït ŋic yen aye Konydan Yecu Kërtho, të cï ke bɛ deep ë keek ku tiam ke, ke täudɛn ciëën jɔ rac awär täudɛn tueŋ wään.

1 Jɔn 3:13

Duökï ee gäi, wek mïthëkɔckuɔ, të mɛɛnë kɔc ke piny nɔm week.

1 Jɔn 5:19

Aŋicku nɔn ee wok kɔc ke Nhialic, ku nɔn tɔ̈uwë piny nɔm ëbɛ̈n ë këracic.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.