Romai 12:16 - JAM DE NHIALIC 2011

¹⁶ Takï piɔ̈ndun e tök. Duökï wepiɔ̈ɔ̈th ë tuöm ka ke bäny, yak rëër apiɛth në kɔc cïn naamden. Duökï röt ë leec an, pɛlkï nïïm.

Romai 12:16 ပူးပေါင်းရင်းမြစ်များ

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

Jop 36:5

Acïn këril cït Nhialic, acïn raan ee dhɔɔt guöp, acïn kë cï ee yökic.

Kɛ̈ŋ 17:5

Raan ee kɔc kuanynyïïn dɔl gup, alɛ̈ɛ̈t Aciëŋden, ku paan cieŋ nɔk në riäŋ de paan däŋ acïkï bï tɔ̈u ke ke kënë kuum.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Kɛ̈ŋ 19:22

Kë ye kɔɔr tëde raan ee luɔi bï yen aa raan adöt, ku raan kuanynyin aŋuän në raan ee lueth töör.

Kɛ̈ŋ 19:7

Ku na jɔ raan kuanynyin aa caany në kɔcke, ku na määthke bïk jɔ caany në cäny yïndï! Na kɔɔr an bï keek lip, abï yecin aa taar, ka cïï ke yök.

Kɛ̈ŋ 26:12

Aŋuɛ̈ɛ̈n ë raan piɔl piɔ̈u në raan ee rɔt tïŋ cït kë pel nɔm.

Kɛ̈ŋ 26:5

Ye wël ke raan piɔl piɔ̈u bɛ̈ɛ̈r në jäny, ke cïï bï lueel nɔn pel en nɔm.

Kɛ̈ŋ 3:7

Du rɔt ee yök apel nɔm, ye Bɛ̈nydït riëëu, ku päl luɔi de kërac.

Yith 5:21

Amawoou në week! Kɔc ee röt tïŋ cï ka ŋic käŋ ku pɛlkï nïïm.

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Jeremia 45:5

Ee luɔi mɛɛn yen kɔɔr bïï luöi yïn pei? Du ee kënë loi. Yɛn bï riääk bɛ̈ɛ̈i në kɔc ke piny nɔm gup ëbɛ̈n, ku yïn bï aa ban we wëiku, të bïï yïn aa lɔ thïn ëbɛ̈n. Acä lueel, Yɛn Bɛ̈nydït.”

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 26:11

We bï dɛ kɔc kuanynyïïn ë weyiic ecaŋdun, ku yɛn cïï bï tɔ̈u ë weyiic anandï.

Luk 14:13

Ku të looi yïn këcamdït, ke yï cɔl kɔc kuanynyïïn, ku ŋöl, ku kɔc ee kɔm, ku cöör:

Luk 6:20

Na wën, ke jɔ kɔckɛn ë piööcë leec, ku lueel an, “Thieithieei wek kɔc kuanynyïïn, ciɛɛŋ de Nhialic ee këdun!

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 11:20

Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

Romai 15:5

Ku ënɔɔnë, Nhialic de guömdekäŋ kekë muŋdepiɔ̈u, ee week tɔ luel jam tök wapäc jam röŋ ke Kërtho,

Romai 6:2

Acie yen! Wok kɔc cï thou tëde kërac, buk ŋoot ë wo pïïr thïn adï?

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

1 Kor 3:18

Në cïn raan ee rɔt math. Na de raan ë weyiic raan ee rɔt tɔ ye raan pelnɔm ë pinyë nɔm, ë ye rɔt tɔ ye dhɔ̈n, luɔi bï en aa raan pelnɔm.

1 Kor 4:10

Wok ee dhän në baŋ de Kërtho, ku wek ee kɔc pelnïïm ë Kërtho yic! Wok kɔ̈c gup, ku wek ril! Wok cïn naamda, ku wek de nïïm dhuëëŋ!

1 Kor 6:5

Ee yäär bä wek yäär, en a luɛɛl ɛn ee kënë. Ye guöp ka, cïn raan töŋ pelnɔm ë weyiic, raan duëër löŋ de raan kekë mɛnhkënë ŋiëc guiir?

1 Kor 8:2

Ku të lueelë raan en, an, ŋic käŋ, ke ŋoot ke kuc käŋ kë cït kë bï dhil ŋic.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 3:16

ku ënɔɔnë, të cï wo guɔ ɣet thïn, jɔku cath ë kueer töŋë, ku luelku jam töŋë.

Pilipoi 4:2

Yɛn lëk Yuodia, ku lɛ̈k Thuntuke an, Yak jam töŋë lueel ë Bɛ̈nydïtic.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 5:3

Ku duökï ee ya bäny ee kɔc cieŋ, kɔc cï we tääu ë kenïïm, takï röt ee kɔc bï lunydun täudun aa dɔmic.

3 Jɔn 1:9

Yɛn cï ɣön ë Nhialic gäär awerek: ku Diotrepe raan kɔɔr luɔi bï en lɔ tueŋ ë keyiic, areec këda gam.