Romai 12:13 - JAM DE NHIALIC 2011

¹³ Yak kakun tek në kɔc ɣerpiɔ̈ɔ̈th, të de yen kë dak keek, yak kamaan ŋic arëët.

Romai 12:13 ပူးပေါင်းရင်းမြစ်များ

2 Tham 17:29

ku miök de kiëc, ku amɛ̈l, ku miök yat, ku ciɛk cï wac ke ɣɔ̈k yïn ë ke Debid kekë kɔcke. Acïk ŋic nɔn cïï Debid kekë kɔcke nɔ̈k ë cɔk ku acïk dak ku acïï reu keek nɔ̈k në jɔ̈ɔ̈ric.

2 Mel 4:10

Yïkku ɣön thiinakäŋ ë päny nɔm, ku tɛ̈ɛ̈uku agen ku pam, thöny thïn, ku lɔ manyëalath, ku abï aa rëër ëtɛ̈ɛ̈n të cï yen wo bɛ̈n neem.”

Diɛt 41:1

Thieithieei në kɔc ee piɔ̈ɔ̈th kok në kɔc kuany nyïïn, abïï Bɛ̈nydït ke kuɔny të le kek lööny në nuanic.

Kɛ̈ŋ 31:20

Ee ɣönde liep thok kɔc kuanynyïïn ku gɛm eciin.

Math 25:35

yɛn aa cïï cɔk nɔ̈k, aguɔkï a miɔɔc ë këcam, yɛn aa cï yal, aguɔkï ya tɔ dëk, yɛn aaye kaman, aguɔkï ya tääu ɣöt,

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

Luɔi 4:35

gokï ke tääu piny ë tuuc nïïm: na wën, ke wëu ë ke tëkë kɔc, ku miɔc raan ëbɛ̈n në këde dak dɛkë kake.

Romai 12:8

ku raan ë kɔc guiëër wël, ë ye kɔc guiëër apiɛth, raan ë miööc, ë ye miööc ë piɔ̈n tök, raan nu ë kɔc nïïm, ë ye këde looi ke lëth guöp, raan ë piɔ̈u kok, ë ye luui ë piɔ̈n mit.

1 Kor 16:15

Wek läŋ, wek mïthëkɔckuɔ (wek ŋic dhiën ë Thepana, nɔn ee kek kɔc cï kɔn gam ë Akaya, ku acïk röt gäm luɔi de kuny de kɔc ɣerpiɔ̈ɔ̈th),

2 Kor 9:1

Ku në këde kuny de kɔc ɣerpiɔ̈ɔ̈th, acïn kë duɛ̈ɛ̈r ɛn ë dhil gäär week.

2 Kor 9:12

Luɔi ë kuny ee kɔc röt konyë ee kɔc ɣerpiɔ̈ɔ̈th tɔ kueth aläl në kë dak keek, ku acie yen etök, piath de luɔiyë ee rɔt ŋuak aya, në luɛl ee kɔc e lueel an, thieithieei Nhialic, ëcaŋɣɔn.

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Pile 1:7

Wok mit piɔ̈ɔ̈th aläl ku cï wo riit piɔ̈ɔ̈th në nhiëërduön ee yïn kɔc nhiaar, luɔi cï kɔc ɣerpiɔ̈ɔ̈th tɔ lɔ piɔ̈ɔ̈th guïk piny në yïn, mɛwäär.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

Ɣeberuu 13:2

Ku duökï nyuuc de kamaan päl, yen këpiɛth ë looi ë kɔc ɣɔn thɛɛr ka, ɣɔn loor kek tuucnhial nïïm ku nyuuckï ke, ke ke kuckï.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

1 Pet 4:9

Yak röt nyuööc, ë ŋɛk e ŋɛk nyuööc, ke cïn dok aa wek dok ë weyäc.

1 Jɔn 3:17

Ku na de raan cath ke ka pïïrë kɔc ke, ke jɔ mɛnhkënë tïŋ acï käŋ dak, go yic riɛl ke ye, ke nhiëër ë Nhialic cath ke yen adï?

3 Jɔn 1:5

Mɛnh nhiaar, yïn ee luɔi ŋiëc döt në luɔidu yic ëbɛ̈n luɔi ee luöi mïthëkɔckuɔ ayï kamaan kɔ̈k.