Romai 12:12 - JAM DE NHIALIC 2011

¹² Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 12:12 ပူးပေါင်းရင်းမြစ်များ

Diɛt 109:4

Ayek yɛn rɛɛc, cakaa nɔn nhiaar Yɛn keek ku yɛn cï lɔ̈ŋ ë biäkden.

Diɛt 37:7

Ŋɔ̈th Bɛ̈nydït ku tit, du piɔ̈u ee diu të cïï kɔc kɔ̈k kuɛth, ku nɔn ee të cïï kïït de raan rac tiam.

Diɛt 40:1

Yɛn ee Bɛ̈nydït tiit në piɔ̈n tök bï ya kony, ago ya piŋ thok, ku piŋ dhiëndï.

Diɛt 62:8

Kɔckï yak, Nhialic ŋɔ̈ɔ̈th aköölnyïïn. Yak lɛ̈k kë nuan week ëbɛ̈n, Nhialic ee tëde thiaan.

Kɛ̈ŋ 10:28

Kɔc piɛth piɔ̈ɔ̈th aŋäthden ee lɔ guut në miɛt ë piɔ̈uwic, ku lɔ kɔc ee karɛc looi guut në baŋic.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Math 5:12

Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Luk 21:19

We bï wëikun yök në guöm aa wek käŋ ŋiëc guum.

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Luɔi 12:5

Ku yok Petero a tït aloocic. Ku ɣön ë Nhialic aa ye cool ë läŋ Nhialic në biäkde.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Luɔi 6:4

Ku wook, wo bï ya ceŋ ë wo läŋ, ku guiirku jam.”

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

Romai 15:4

Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 8:25

Ku na ŋäthku ka kënku tïŋ, yen abuk aa tiit në piɔ̈n lir.

1 Kor 13:13

Ku ënɔɔnë adɔ̈ŋ gäm, ku aŋäth, ku nhiëër, kake kedhie, ku kë dïït ë kake yiic ee nhiëër.

2 Kor 12:8

Guɔ Bɛ̈nydït lɔ̈ŋ në biäk de kënë raandiäk, ke bï jäl ë yaguöp.

Pilipoi 3:1

Cöök ciëën, wek mïthëkɔckuɔ an, Yak piɔ̈ɔ̈th miɛt ë Bɛ̈nydïtic. Gäär gäär ɛn week ee kamankë gup, acïï yɛn ee tɔ bäp, ku ee këpiɛth tëde week.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

Kolothai 4:2

Yak cök ë cuɔɔl wek ë lɔ̈ŋ, ku yak röt tiit thïn në luɛl aa wek e dap lueel an, thieithieei.

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 5:8

Ku wook, wok kɔc ke aköl, yok nïïm piath, abuk wëu pät yiic ee yɔu gël aa cieŋ, wëu ke gäm ku nhiëër, ku në baŋ de akup de aŋäth ku kunydewëi.

2 Theth 1:4

Yen a leec wok röt në week ë ɣööt ke Nhialic yiic në biäk de liɛɛr ë wepiɔ̈ɔ̈th ku gäm cä wek gam ë yöŋic ëbɛ̈n yöŋ ee we yɔŋ, ku në katuc dhal week kedhie katuc yak guum.

2 Theth 3:5

Ë Bɛ̈nydït ë ye we dak piɔ̈ɔ̈th ë nhiëër ë Nhialicic, ku dɔk wepiɔ̈ɔ̈th ë liɛɛric liɛɛr ë Kërtho piɔ̈u.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 3:10

Ku yïn, cï wëëtdï ŋic ëgɔk, ku ŋic täu aa yɛn tɔ̈u, ku kë nu ë yapiɔ̈u, ku gämdï ku guöm aa yɛn käŋ ŋiëc guum, ku nhiëërdï, ku liɛɛr ë yɛnpiɔ̈u,

Tito 2:13

ku yok aŋäth cï thieei tiit, ku titku tuöl bï dhuëëŋ de Nhialicdandït ku Konydan Yecu Kërtho tuöl,

Tito 3:7

luɔi bï wo tɔ piɛthpiɔ̈ɔ̈th në dhuëëŋ de yenpiɔ̈u, ago wo tɔ ye kɔc bï käŋ lɔ̈ɔ̈k lak në aŋäth ŋɛ̈ɛ̈th wok pïïr athɛɛr.

Ɣeberuu 10:32

Duökï nïïm mär anandun në akööl cï tëëk, akööl wään bïï ë ɣɛɛr de gäm cä wek Kërtho gam, wek aa cï kajuëc guum, ku ateer tuc thook akënkï we tiaam.

Ɣeberuu 10:36

Yak wepiɔ̈ɔ̈th muk, aguɔkï këde piɔ̈n ë Nhialic aa looi ku bäk ka cï kɔn lɛ̈k week yök.

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

Ɣeberuu 6:15

Abraɣam acï bɛ̈n gum ke tït ë piɔ̈n lir aɣet të bï yen kë cï thɔ̈n en bɛ̈n ŋoot ke yök.

Jakop 5:7

Yak piɔ̈ɔ̈th liɛɛr, wek mïthëkɔckuɔ, aɣet bɛ̈n bï Bɛ̈nydït bɛ̈n. Wɔikï, raan de dom ee kapiɛth ee piny ke luɔk tiit, ke lir piɔ̈u në ye, aɣët të bï en deŋ yök, deŋ yaak ayï deŋ anyɔ̈ɔ̈c.

1 Pet 4:13

Yak piɔ̈ɔ̈th miɛt, në röm ram wek ka cï Kërtho guum në yen ëtök, na miäk, të cï dhuëëŋde rɔt nyuɔɔth aya, ke we bï piɔ̈ɔ̈th miɛt abäk piɔ̈ɔ̈th a yum.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

2 Pet 1:6

ku matkï dömderɔt kekë ŋïnydekäŋ, ku matkï guömdekäŋ kekë dömderɔt, ku matkï riëëu de Nhialic kekë guömdekäŋ,

Nyuuth 13:10

Raan ë kɔc peec tɔŋ, ka bï peec tɔŋ aya: ku raan ë kɔc nɔ̈k ë abätäu ke bï dhil nɔ̈k ë abätäu aya. Ruöt ee kɔc ɣerpiɔ̈ɔ̈th kepiɔ̈ɔ̈th ruut kï, ku gäm ee kek gam kï.”