Romai 12:11 - JAM DE NHIALIC 2011

¹¹ Ë cïn raan ë rɔt dak ë luɔide, yak yiic lëth në Wëidït, yak ka ke Bɛ̈nydït looi.

Romai 12:11 ပူးပေါင်းရင်းမြစ်များ

Bɛ̈n 5:17

Go melik puk nɔm an, “Wek liriic, wek cïï luɔɔi kɔɔr. Yen aya wek e lueel an, ‘Tɔ wo jël lok Bɛ̈nydït näk miɔ̈c.’

Kɛ̈ŋ 10:26

Raan toc adaakrɔt acït keth ë raan röl ku cït nyin nɛ̈k tol.

Kɛ̈ŋ 13:4

Adaakrɔt ee këdäŋ kɔɔr në piɔ̈nde ëbɛ̈n ku acie yök, ku raan ee luui apiɛth ee kuɛth.

Kɛ̈ŋ 18:9

Adaakrɔt acïï raan ee käŋ riɔ̈ɔ̈k wär.

Kɛ̈ŋ 22:29

Raan ŋic luɔide looi, ee bäny kek ee luöi ku acie kɔc tei.

Kɛ̈ŋ 31:15

Ee rɔt jɔt adurduur të ŋoot ë piny ke col, ku looi këciɛm ë baaide ku kɔc luui yen.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Yith 56:10

Aye lueel an, “Bäny kedhie, wën ee kek duëër kɔckï aa jɔ̈ɔ̈ny, acïk cɔɔr! Acïn kë ŋickï. Acïtkï jɔ̈k ë piny tiit, ku cïkï ye biöu, ayek gäk ke ke dhɔt piny ku jɔkï ya nyuöth. Anhiaarkï nin aläl!

Math 24:12

Ku nhiëër nu ë kɔc juëc piɔ̈ɔ̈th abï liɛɛr, në ŋuëŋ bï kërac enyin ŋuak.

Math 25:26

Go bɛ̈nyde puk nɔm an, “Yïn ee lïm rɛɛc adaakrɔt, yïn ŋic ɛn nɔn aa yɛn tem të kɛ̈n ɛn com thïn, ku ŋic nɔn aa yɛn kuany të kɛ̈n ɛn kɔn pok thïn,

Luɔi 18:25

Monyë acï wëët në kueer ë Bɛ̈nydït, ku ye raan lëthic, go kɔc guiëër ku wëët keek në ka ke Bɛ̈nydït ke cïn cöök wɛ̈ɛ̈c, ku ŋoot ke ŋic baptith ë Jɔn tei.

Luɔi 20:19

Yɛn ee ka ke Bɛ̈nydït looi në kuur aa yɛn rɔt kuɔɔr piny, ku në dhiën dït aa yɛn dhiau ku në thëm dït ee ya them në baŋ de män cïï Judai kethook mat, an, bïk a nɔ̈k.

1 Kor 7:22

Ku raan cï cɔɔl ë Bɛ̈nydïtic, ke ye lïm, yen aye raanden ë Bɛ̈nydït raan ee cath ë këde yenhde: ayï raan cï cɔɔl ke ye raan ee cath ë këde yenhde, yen aye lïm de Kërtho.

Epethiei 4:28

Raan ë ye kual, në cie bɛ kual: aŋuän luɔi bï en aa luui ë luɔi piɛth në cinke, ke bï dɛ kë bï en raan däŋ miɔɔc, raan dɛk ë käŋ.

Kolothai 4:1

Wek bäny de lïïm, yak lïïmkun gäm ka röŋ ë luɔiden, yak ke miɔɔc ë ke kiëëtkï, aŋiɛckï nɔn dɛ wek Bɛ̈nydun aya paannhial.

1 Tim 5:13

Ku ayek röt wɛ̈ɛ̈t ëŋɛɛrëguöp, ku jɔkï aa riäu lek dhiënë ku lek dhiënë, ku acïkï gup ee ŋɛɛr tei, ayek kɔc ee guak ë keliëp, kɔc ee röt gap ë luɔi de kɔc kɔ̈k yiic, agokï ka cïï piɛth aa lueel.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

Nyuuth 2:4

Ku ade cöök bän yïn jɔ̈ɔ̈ny, ee luɔi cï yïn nhiëërduön tueŋ pɔ̈l.