Romai 12:10 - JAM DE NHIALIC 2011

¹⁰ Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

Romai 12:10 ပူးပေါင်းရင်းမြစ်များ

Cäk 13:9

Kënë ëbɛ̈n alɔ, ee piny lääu, puɔ̈kku. Lɔc të kɔɔr në yïpiɔ̈u. Na cï lɔ baŋ cam, ke yɛn bï lɔ ë baŋ cuëc, ku na ee baŋ cuëc yen cï lɔc, ke yɛn bï lɔ në baŋ cam.”

Jop 1:4

Wɛ̈ɛ̈tke ayek dhuëëŋ de miɛtëpiɔ̈u wɛ̈ɛ̈r, të cïï kööl ë dhuëëŋ ë ŋɛk bɛ̈n, ayek röt caal baai de ë raanë, ku jɔkï nyïïrëkɔcken tɔ cɔl kadiäk bïk lɔ cam ëtök.

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Jeremia 38:12

Go Ebedmelek raan de Kuc, Jeremia yɔ̈ɔ̈k bä anuɛɛr tääu në yerɔ̈th, ago wïïn ye cï bï gäm buɔ̈t. Ago ee kënë looi,

Math 20:26

Ku acïï bï tɔ̈u aya në weyiic: ku raan ëbɛ̈n raan kɔɔr luɔi bï en dït ë weyiic, ë tɔ rɔt ë raan ë kakun looi,

Luk 14:10

Ku na cɔl raan yïn, ke yï jɔ nyuc këc, na ëlë, lɔ raan wën ë cɔl yïn bɛ̈n, ke jɔ yï yɔ̈ɔ̈k an, ‘Mäth, bä tëpiɛth.’ Ke yïn bï lɛc yök ë kɔc nïïm kɔc rɛ̈ɛ̈r në yïn ëtök tëde cäm.

Jɔn 15:17

Löŋ thɔ̈n week kï, an: nhiaarkï röt wapäc.

Jɔn 17:21

ke ke bï aa raan tök kedhie, acït man nu yïn ë yayic, Wäär, ku nuö ë yïyic, ke ke bï aa raan tök në woyiic ayadäŋ: ago kɔc ke piny nɔm gam nɔn ee yïn ë toc ɛn.

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 13:7

Yen a wek kɔc kedhie gäm kaken an, ee athölbö, ke we gɛm athölbö an, ee guaaric, ke we gɛm guaaric an, ee riëëu ke riëëukï an, ee thɛ̈k ë guöp, ke thɛkkï guöp.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Pilipoi 2:3

Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu awär riëëu riëëu en rɔt.

Kolothai 1:4

Luɔi cï wok gämduön cä wek Kërtho Yecu gam piŋ, ku piŋku nhiëërduön aa wek kɔc ɣerpiɔ̈ɔ̈th nhiaar kedhie,

1 Theth 4:9

Ku në këde nhiëër bä wek mïthëkɔckun nhiaar acïn kë duɛ̈ɛ̈r gäär wek, wegup, we cïï Nhialic wɛ̈ɛ̈t an, bäk röt nhiaar wapäc.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

Ɣeberuu 13:1

Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:17

Yak raan theek ëbɛ̈n. Yak mïthëkɔckun nhiaar. Yak riɔ̈ɔ̈c ë Nhialic. Yak melik riëëu.

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

2 Pet 1:7

ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

1 Jɔn 4:11

Wek kɔc nhiaar, të cï Nhialic wo nhiaar ë nhiëër cït ee kënë, ke wo duëër röt dhil nhiaar aya.

1 Jɔn 4:20

Të lueelë raan en, an, Yɛn nhiaar Nhialic, ku mɛɛn mɛnhkënë, ka ye alueeth: raan cïï mɛnhkënë ee nhiaar raan cï tïŋ guöp, ke duëër Nhialic nhiaar adï, Raan kën tïŋ guöp?