Romai 11:8 - JAM DE NHIALIC 2011

⁸ Acït man cï e gɔ̈ɔ̈r an, “Acï Nhialic ke gäm piɔ̈n ë nïn, ku gëm keek nyïïn cïï daai, ku yïth cïï käŋ ee piŋ, aɣet cï ee köölë.”

Romai 11:8 ပူးပေါင်းရင်းမြစ်များ

2 Mel 17:34

Aŋootkï ke ke muk ciɛɛŋdɛn thɛɛr agut cï ee köölë. Acïkï Bɛ̈nydït ee lam, ku cïkï lööŋ ɣɔn cï gɔ̈ɔ̈r ee kuany cök, ayï wëët cï Bɛ̈nydït lueel an bï döt, ayï lööŋdït, ayï lööŋ ɣɔn cï Bɛ̈nydït ke thɔ̈n mïth ke Jakop ɣɔn cï cäk rin an Yithriɛl.

2 Mel 17:41

Go juöörkë Bɛ̈nydït aa lam, ku ayek yiëthken lam aya, agut cï ee köölë, kuatden aŋootkï ke ke loi ee kë wäänë.

Yith 29:10

Bɛ̈nydït ë we tɔ nok, ë döŋ ke ye nïn yen bä wek niin arëët. Tït ke Nhialic aduëërkï aa nyïïn ke kɔc, ku acï Nhialic ke cɔɔr nyïïn.

Yith 6:9

Ago lɛ̈k ɛn bä ke lɔ lɛ̈k ee thoŋë an, “Ciɛk aa wek ë pïŋ, kë piɛŋkï acäkï bï yökic. Ciɛk aa wek ë daai, kë loi rɔt acäkï bï ŋic.”

Jeremia 5:21

Daaikï apiɛth, wek kɔc dhän cie piŋ, kɔc de kenyïïn, ku acïkï ee daai, ku adekï yïth, ku acïkï ee piŋ.

Edhekiɛl 12:2

“Mɛnh ë raan, yïn rɛ̈ɛ̈r we kɔc cï löŋ rɛɛc. Keek adekï nyïïn, ku acïn kë yek tïŋ, adekï yïth, ku acïn kë yek piŋ, në biäk cï kek löŋ rɛɛc.

Edhekiɛl 20:26

Acä ke tɔ riäk röt në miɔ̈cdɛn yek gam, ku ta ke gɛm wɛ̈ɛ̈t kɛ̈iken. Kën ee luɔi bän ke luöi këtuc, ku nyuöth keek nɔn ee yɛn Bɛ̈nydït.

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Luɔi 28:26

lueel an, ‘Lɔ tëde kɔckë, lɔ ku luel an: Ciɛk an, piɛŋkï, ka bäk piŋ, ku acäk bï yökic: Ku ciɛk an, tiëŋkï, ka bäk tïŋ, ku acäkï bï gɔɔk:

Nyöŋ 29:4

Ku agut cï ee köölë akën we tɔ yök ka cä keek tïŋ yiic.