Romai 11:36 - JAM DE NHIALIC 2011

³⁶ Këriëëc ëbɛ̈n ee kake, ku aake bɔ̈ në yen, ku lek tëde yen. Ë dhuëëŋ tɔ̈u kekë yen aɣet athɛɛr! Amiin.

Romai 11:36 ပူးပေါင်းရင်းမြစ်များ

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Diɛt 33:6

Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Kɛ̈ŋ 16:4

Bɛ̈nydït ee këriëëc looi ke de kë lui yen, ayï kɔc ee karɛc looi në akööldɛn ë riääk.

Yith 42:12

Takkï kɔc rɛ̈ɛ̈r në piiny mec gëm lɛc ku dhuëëŋ Bɛ̈nydït!

Danyel 4:3

“Kake gäi cïï Nhialic ke nyuöth wook ayek kadït. Ku ka göök cïï Nhialic ke looi ayek karil. Ciɛɛŋ de Nhialic abï ɣet athɛɛr, ku abï pinynɔm cieŋ aköölnyïïn ëbɛ̈n.

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Luk 19:38

luelkï an, “Thieithieei Melik bɔ̈ në rin ke Bɛ̈nydït! Ë mät tɔ̈u paannhial, ku tɔ̈u dhuëëŋ tënhial ya!”

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Luɔi 17:28

yen a pïïr wok, ‘ku yok cath, ku yok nu në yen,’ Acït man ë kë cïï ciëëkkuön kɔ̈k lueel, an, ‘Wok ee mïthkɛn cï dhiëëth ayadäŋ.’

Romai 16:27

Nhialic de nɔm pɛl, yen etök, ë ye tɔ̈u ke dhuëëŋ aɣet athɛɛr në Yecu Kërtho. Amiin.

1 Kor 11:12

Ku acït man ë bï tik në moc, ayï moc aya abɔ̈ në tik, ku bɔ̈ käŋ kedhie tëde Nhialic.

1 Kor 8:6

ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

Galatai 1:5

Ë dhuëëŋ ë ye tɔ̈u kekë yen aɣet athɛɛr ya. Amiin.

Epethiei 3:21

ë lɛc tɔ̈u ke Nhialic në ɣön ë Nhialic yic ku në Kërtho Yecu yic në rɛm yiic ëbɛ̈n aɣet thɛɛr wadäŋ. Amiin.

Pilipoi 4:20

Ku ënɔɔnë ë lɛc tɔ̈u kekë Nhialic yen aye Wääda, aɣet athɛɛr ya. Amiin.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

Ɣeberuu 2:10

Acïï Nhialic tiiŋ nɔm, Raan ë cak këriëëc ëbɛ̈n ku dötke, abï Yecu tɔ dikëdik në guöm, ago kɔc juëc lɛɛr të bï kek dhuëëŋde rɔm. Në luɔi Yen Yecu yen ee kɔc wat tëde kunydewëi.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

1 Pet 5:11

Në ye tɔ̈u kekë dhuëëŋ ku riɛldït aɣet athɛɛr ya. Amiin.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.

Nyuuth 19:1

Na wën, aacï kakë thök, ke ya piŋ röl dïït ë kut dïït ë kɔc paannhial, ke luelkï an, “Aleluya! Kunydewëi, ku dhuëëŋ, ku riëëu, ku riɛldït, ayek kake Bɛ̈nydït Nhialicda!

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 7:10

Ku cötkï ë röl dït, an, “Kunydewëi ë tɔ̈u ke Nhialicda, Raan rɛ̈ɛ̈r ë thöönydït nɔm, ku tɔ̈u ke Nyɔŋamääl!”

Nyuuth 7:12

luelkï, an, “Amiin: Athiɛɛi, ku dhuëëŋ, ku pɛlënɔm, ku thieithieei, ku riëëu, ku riɛldït, ku riɛl ee käŋ lëu, ë ke ye tɔ̈u në Nhialicda aɣet wadäŋ thɛɛr ya. Amiin!”