Romai 11:28 - JAM DE NHIALIC 2011

²⁸ Në këde wëlpiɛth, ayek kɔc de ater në Nhialic në baŋdun, ku në këde löny lɔcë keek, ayek kɔc nhiaar në löŋ de wärkuɔ.

Romai 11:28 ပူးပေါင်းရင်းမြစ်များ

Cäk 26:4

Yïn bä gäm mïth juëc, mïth cït kuɛl nhial, ku gäm keek ee pinyë. Ku juöör ke piny nɔm kedhie, abïk aa lɛ̈k Ɛn an thiɛɛi keek cït man cän mïthku thieei.

Cäk 28:14

Ku mïthku abïk juëc ka abïk ciët abuui. Ku wek bï nïïm ɣet ë piny thar të lɔ aköl athɛ̈i, ayï të lɔ aköl amiäk. Ku të lɔ rut agut cï të lɔ wöuwic. Ku Yɛn bï juöör ke piny nɔm thieei kedhie në këdun wekë mïthku.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Maika 7:20

Yïn bï piɔ̈nduön adöt nyuöth Jakop, ku nyuöthë Abraɣam nhiëërduön agɔk, cït man wään cï Yïn gutguut lɛ̈k kuarkuɔ ɣɔn thɛɛr.

Math 21:43

Yen a yɔ̈ɔ̈k ɛn week an, “Ciɛɛŋ de Nhialic abï nyaai tëde week, ago gam jur däŋ, jur ë luɔk ë mïth röŋ në yen.”

Luk 1:54

Acï Yithriɛl awunde kony, Në täŋ cï en kok de yenpiɔ̈u tak,

Luɔi 14:2

Go Judai reec gäm gokï Juöör kɛ̈ɛ̈k, ku tɔkï ke nhiany piɔ̈ɔ̈th në wäthii.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

Romai 11:11

Aguɔ jɔ thiëëc an: ë ke kɔ̈th abïk wïïk? Acie yen! Ku kɔ̈th cï kek kɔ̈th, yen a yökë Juöör kunydewëi, ke Yithriɛl bï ë tiɛɛl dɔm.

Romai 11:30

Ku acït man wään cä wek Nhialic ee gam, ku we cï kokdepiɔ̈u yök ënɔɔnë në rɛɛc reec kek gäm.

Romai 11:7

Jɔ aa ŋö? Yithriɛl akën kë kɔɔr yök, ku biäk cï lɔc, yen acï yök, ku kɔc kɔ̈k acï ke tɔ ril nïïm,

Romai 5:10

Të cï wo määt në Nhialic në thon cï Wënde thou, ke wo ŋoot ë wo ye kɔc de ater, na ënɔɔnë, nɔn cï wo guɔ määt, ke kuny bï ë wo kony në pïïr pïïr en, yen apiɔl awär ee kënë arëët.

Romai 9:5

kuarkuɔ ayek kaken, ayï Kërtho aya abɔ̈ në keek në dhiënh ë dhiëëthë ye, raan nu ë käŋ nïïm kedhie, ku ye Nhialic de guöp athiɛɛi athɛɛr. Amiin.

Nyöŋ 10:15

Ku Bɛ̈nydït anhiaar kuarkun aläldïïtë, ago week lɔc ku cï kɔc kɔ̈k lɔc, ku wek ŋoot ke we ye kɔckɛn cï lɔc.

Nyöŋ 4:31

Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.