Romai 11:25 - JAM DE NHIALIC 2011

²⁵ Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 11:25 ပူးပေါင်းရင်းမြစ်များ

Diɛt 107:43

Na de kɔc pel nïïm abïk ee kake cätic apiɛth, ku në ke cï nïïm määr ë Bɛ̈nydït abïk nhiëërdɛn agɔk tak.

Diɛt 127:1

Na cie Bɛ̈nydït yen ë yïk ɣöt, ke kɔc yïk luɔiden ee youyou, na cie Bɛ̈nydït yen ë tiit pänydït, ke kɔc tït luɔiden ee youyou.

Diɛt 22:27

Kɔc ke piny thar ëbɛ̈n abïk kenïïm tak ku bekï röt puɔ̈k Bɛ̈nydït. Juöör kedhie abïk Bɛ̈nydït bɛ lam.

Diɛt 72:17

Në rin ke melik ë ke cïï mär ë kɔc nïïm, tɔ lɛcde tɔ̈u në täu tɛ̈u ë akɔ̈l. Tɔ juöör ëbɛ̈n thiëëc Nhialic bïï keek thieei, cït man cïï yen melik thieei, ku tɔ ke köör yen miɛtëpiɔ̈u.

Kɛ̈ŋ 26:12

Aŋuɛ̈ɛ̈n ë raan piɔl piɔ̈u në raan ee rɔt tïŋ cït kë pel nɔm.

Kɛ̈ŋ 26:16

Adaakrɔt ee rɔt tïŋ ke wär nööŋ ke wut kabɛ̈t.

Yith 5:21

Amawoou në week! Kɔc ee röt tïŋ cï ka ŋic käŋ ku pɛlkï nïïm.

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Math 13:11

Go pɔ̈k nɔm keek an, “Week, acï gäm week luɔi bä wek kacïthiaan ŋic ka ke ciɛɛŋ de paannhial, ku akënë gäm keek.

Luk 21:24

Ku abï ke nɔ̈k ë abätäu, ku pec ke leerëke ë Juöör yiic ëbɛ̈n: ku Jeruthalem abï käcic ë Juöör, a thöökë run ke Juöör.

Jɔn 10:16

Ku yɛn de thök kɔ̈k cie ka ke a gänë: kek ayadäŋ abä ke dhil bɛ̈ɛ̈i, agokï röldï piŋ, agokï ya luny tök, ku tïn tök.

Romai 1:13

Ku yɛn de piɔ̈u luɔi ŋiɛc en week, wek mïthëkɔckuɔ, nɔn cän e lueel ë yapiɔ̈u raanjuëc në bɛ̈n bän bɛ̈n tëde week, ku yɛn cï pëën aɣet cï ënɔɔnë, yɛn kɔɔr kë bï luɔk ë weyiic ayadäŋ, acït man cän e yök ë juöör kɔ̈k yiic.

Romai 11:12

Ku ënɔɔnë, kɔ̈th kɔ̈th kek, të cï en aa kuɛth cï piny tɔ kueth nɔm, ku kuur koor kek, të cï en aa kuɛth cï Juöör tɔ kueth, na piathden, bï kënë wöör ë wär ŋö?

Romai 11:24

Ku të cï yï ŋuööt bei ë tim de olip wään, tim ë cil roor tei, ago tuɛɛl ë tim de olip piɛthic, ku tueel tueelë yï thïn acïï cït ciɛɛŋduön ë ciɛkë yï, na kakë kek kër thɛɛr ke tim, tueel bï ke bɛ tuɛɛl ë timdenic guöp tim de olip, cïï bï pial awär tueel ë tueelë yïn arëët?

Romai 12:16

Takï piɔ̈ndun e tök. Duökï wepiɔ̈ɔ̈th ë tuöm ka ke bäny, yak rëër apiɛth në kɔc cïn naamden. Duökï röt ë leec an, pɛlkï nïïm.

Romai 16:25

Ku ënɔɔnë, thieithieei ë Raan cath ke riɛl bï en we tɔ kääc aril në këde wëlkiën piɛth, ku guiëër cï Yecu Kërtho guiëër kɔc, ku nyuöth cï kë wään cï moony të ɣɔn ciɛkë piny nyuɔɔth.

Romai 9:18

Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.

1 Kor 10:1

Ku ënɔɔnë, mïthëkɔckuɔ, yɛn kɔɔr luɔi bä wek cöökë ŋic an, Kuarkuɔ aake nu ë luät thar kedhie, ku acïk abäpdit teem kedhie.

1 Kor 12:1

Jam de ka ke Wëi, wek Mïthëkɔckuɔ, yɛn cïn piɔ̈u luɔi bä wek e kuc.

1 Kor 2:7

Wok ee pɛlënɔm de Nhialic lueel, pɛl cï yäl kɔ̈u bei, ee jam cï thiaan, jam cïï Nhialic kɔn lueel ë yepiɔ̈u të ŋootë piny ke liu an, bï aa këde dhuëëŋde.

1 Kor 4:1

Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

Epethiei 1:9

Acï wo tɔ ŋic kë nu ë yepiɔ̈u këcïmoony ɣɔn në pɛlënɔmde ëbɛ̈n, në miɛt ë yenpiɔ̈u, yen aye löŋ cï lueel ë Kërtho piɔ̈u.

Epethiei 3:9

ku luɔi bän kɔc tɔ daai apiɛth kɔc kedhie, abïk thar ë këcïmoony ŋic, jam ɣɔn cï moony ë Nhialicic të ɣɔn ciɛkë piny, Nhialic Aciëŋ ë cak këriëëc ëbɛ̈n në këde Kërtho,

Epethiei 4:18

kɔc col piɔ̈ɔ̈th ku liukï ë pïïr ë Nhialicic në biäk de kuny kuc kek käŋ, ku në riɛl ril kek nïïm,

2 Pet 3:8

Ku week, kɔc nhiaar, duökï cöök töŋë bï baai, an, Kööl tök acït agum de run tëde Bɛ̈nydït, ku agum de run acït kööl tök.

Nyuuth 1:20

ku cöök de këcïmoony, kï, cöök ë këde kuɛl kadhorou kuɛl cï tïŋ ë ciin cuënydï, ku kuc ke mɛ̈ckealath ë adhääp kadhorou. Kuɛl kadhorou ayek tuuc ke ɣööt ke Nhialic kadhorou: ku kuc ke mɛ̈ckealath kadhorou ayek ɣööt ke Nhialic kadhorou.

Nyuuth 10:7

Ku në aköölkë yiic kööl ke röl ë tunynhial ee kek dhorou, të bï en kaaŋ gɔl ë kuöth, ke këcïmoony de Nhialic abï thök, acït ɣɔn cï en e lɛ̈k tït lïïmke.”

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.