Romai 11:1 - JAM DE NHIALIC 2011

¹ Guɔ jɔ thiëëc an, Cï Nhialic kɔcke cuat wei? Ei! Acie yen! Yɛn aya, yɛn ee raan ë Yithriɛl, në käu de Abraɣam, në dhiën ë Benjamin.

Romai 11:1 ပူးပေါင်းရင်းမြစ်များ

2 Mel 23:27

Acïï Bɛ̈nydït lueel an, “Yɛn bï Juda luöi kë cït kë wään bä luöi Yithriɛl: Yɛn bï kɔc ke Juda nyaai në Yanyin, ku rɛɛc Jeruthalem, wun cä lɔc, ku Luaŋdït, të wään luɛɛl an bïï Ya lam thïn.”

Diɛt 77:7

“Bï Bɛ̈nydït wook aa rɛɛc ë ceŋ? Cïï piɔ̈u bï bɛ miɛt ë liŋliŋ ke wook?

Diɛt 94:14

Bɛ̈nydït acïï kɔcke bï nyääŋ piny, acïï kɔc ke nɔmde bï pɔ̈l.

Ɣodh 9:17

Go Ɣodhiya lueel an, “Abï Nhialicdï keek rɛɛc, në baŋ kën kek En piŋ thok. Abïk riäu baaŋ në juöör yiic ëbɛ̈n.

Luk 20:16

“Abï bɛ̈n bïï kɔc ee dom tiitë bɛ̈n nɔ̈k, ku jɔ dom yiɛ̈n kɔc kɔ̈k.” Na wën, aa cïk e piŋ, ke jɔkï lueel an, “Tɔ pëën Nhialic en ee kënë!”

Luɔi 22:3

“Yɛn ë Judai nɔm ëgɔk, ku yɛn aa dhiëëth ë Tartho ë Kilikia, ku yɛn aa muk ë pänydïïtëyic, ke ya piɔ̈ɔ̈c ë Gamaliɛl, ku ye ya wɛ̈ɛ̈t ë täu de löŋ de kuarkuɔ, täu a gɔk, aguɔ yic lɛ̈th në këde Nhialic, acït man ë wek wedhie ëköölë.

Luɔi 26:4

“Täu ë täu ɛn wään aa yɛn meth, wään rɛ̈ɛ̈r ɛn wokë jurdï ë Jeruthalem, aŋic Judai ëbɛ̈n.

Romai 11:11

Aguɔ jɔ thiëëc an: ë ke kɔ̈th abïk wïïk? Acie yen! Ku kɔ̈th cï kek kɔ̈th, yen a yökë Juöör kunydewëi, ke Yithriɛl bï ë tiɛɛl dɔm.

Romai 3:4

Acï bï aa yen! Yeka, tɔ Nhialic ee yic, ciɛk an, ye raan ëbɛ̈n alueeth, acït man cï e gɔ̈ɔ̈r an: “Luɔi bï yï tɔ piɛthpiɔ̈u në wël lueel, Ku luɔi bï yïn kɔc tiaam të guiirë löŋdu.”

Romai 9:3

Ku aduɛ̈ɛ̈r lueel ë yapiɔ̈u an, adï miɛt piɔ̈u tëë ya ye guöp dɛ aciɛɛn bï ya cieec ë Kërtho nɔm në baŋ de mïthëkɔckuɔ, kɔc rɛɛn wok në dhiënh ë dhiëëthë wook.

2 Kor 11:22

Kɔckë yek Ɣeberuu? Ayï yɛn aya. Yek kɔc ke Yithriɛl? Ayï yɛn aya. Yek kɔ̈th ke Abraɣam? Ayï yɛn aya.

Pilipoi 3:5

Yɛn cï cueel ëkööl ee kek bɛ̈t, yɛn ee jur cɔl Yithriɛl, raan ë dhiën ë Benjamin, yɛn ee Ɣeberuu cï dhiëëth ë Ɣeberuu, në këde löŋ, yɛn ee Parithai,

1 Tham 12:22

Bɛ̈nydït acï kuëëŋ looi, ka cïï week bï nyääŋ piny. Acï Bɛ̈nydït tak bï week tɔ ye kɔcke