Romai 10:6 - JAM DE NHIALIC 2011

⁶ Ku piathëpiɔ̈u wën bɔ̈ në gäm aye lueel alë an, “Du luel ë yïpiɔ̈u an, eeŋa bï lɔ paannhial?” (Luɛɛlde kï, ee bïï le en Kërtho bɛ̈ɛ̈i piny).

Romai 10:6 ပူးပေါင်းရင်းမြစ်များ

Kɛ̈ŋ 30:4

De raan cï kɔn lɔ paannhial ku le bɛ̈n piny? Eeŋa cï yom kɔn dɔm në yecin? Eeŋa cï pïïu kɔn duɔl në lupɔde yic? Eeŋa tɛ̈ɛ̈u ë loi piny thar ëbɛ̈n? Cɔl ŋa ku cɔl mɛnhde ŋa? Lɛ̈kë yɛn të ŋic yïn keek.

Jɔn 6:33

Kuïn ë Nhialic ee kë bɔ̈ piny paannhial, ku ye piny nɔm gäm pïïr.”

Jɔn 6:38

Yɛn ëcïï bɔ̈ piny paannhial, bä këde piɔ̈ndï bɛ̈n aa looi, yɛn ë bɔ̈ bä këde piɔ̈n ë raan ë toc ɛn bɛ̈n aa looi.

Jɔn 6:58

Kënë ee kuïn ë bɔ̈ piny paannhial: acïï cït man ɣɔn ye kuarkun cam në mana, ku yek thou, raan ë cam ë kuïnë abï pïïr athɛɛr.”

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Romai 3:25

raan cïï Nhialic tääu ë kɔc nïïm an, bï aa kë bï Nhialic luk, në gäm bï kɔc riɛmde gam. Kënë ee nyuöth nyooth en piath ë yenpiɔ̈u, ɣɔn pɛ̈l en karɛc cï looi thɛɛr, në liɛɛr ë yenpiɔ̈u,

Romai 4:13

Luɛl cï ye kɔn lueel, an, bï aa raan bï piny lɔ̈ɔ̈k lak, aacï bɔ̈ tëde Abraɣam ayï käude në löŋ, aa bɔ̈ në piathëpiɔ̈u cï yök në gäm.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 11:7

Aye gäm de yic aŋäth yen aa tɔ Nowa piŋ yöök de Nhialic, ɣɔn yöök En keek në biäk de ka bï tïc wadäŋ ka cïï woi. Ago löŋ cï Nhialic lueel riëëu, ku cuëëc abël kony en rɔt kekë dhiënde. Në biäk kën kɔc ke piny nɔm jam ë Nowa piŋ, piny acï bɛ̈n cieen nɔm, ku Nowa acï piathëpiɔ̈u bɛ̈n yök tëde Nhialic në gäm.