Romai 10:17 - JAM DE NHIALIC 2011

¹⁷ Yen ka, Gäm abɔ̈ në pïŋ de wël, ku bɔ̈ pïŋ de wël në Kërtho.

Romai 10:17 ပူးပေါင်းရင်းမြစ်များ

Jop 42:5

Në run cï tëëk, yɛn aa ŋic ka cï kɔc kök ke lɛ̈k ɛn në biäkdu, ku ënɔɔnë Yïn cä tïŋ në nyïïnkï.

Mak 4:24

Go ke yɔ̈ɔ̈k an, “Yak röt tiit në kë yak piŋ: thëm aa wek käŋ them, en abï aa thɛ̈m week: ku wek kɔc ee käŋ piŋ, we bï ŋuak ë käŋ.

Luk 11:28

Go lueel an, “Aŋuän luɔi bï yïn e lueel an, thieithieei ë kɔc ee jam ë Nhialic piŋ, ku yek döt!”

Luk 8:11

“Kääŋ thar kï: Kɔ̈th kek aye jam ë Nhialic.

Luk 8:21

Go pɔ̈k nɔm keek an, “Kɔckë kɔc ee jam ë Nhialic piŋ, ku loikï kek aye maar ku mïthëkɔckuɔ.

Jɔn 1:37

Go kɔc piööcë kë kaarou gokï piŋ, të jiɛɛm en, agokï Yecu kuany cök.

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 10:14

Ku ënɔɔnë, bïk raan aa cɔɔl rin adiaa raan kënkï gam? Ku bïk raan gam adï, raan kën kek këde piŋ? Ku bïk piŋ adï, të liiuwë raan ë keek guiir?

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

Galatai 3:2

Ee cöökë yetök en akaar luɔi bän e piŋ tëde week, Cäk Wëidït yök në luɔi de löŋ, ku cäk ke yök në piŋ cä wek e piŋ, aguɔkï gam?

Galatai 3:5

Raan ee week yiɛ̈n Wëidït ënɔɔnë, ku ye luɔi ril looi ë weyiic, ee luɔi de löŋ en ë ye yen e looi, ku ye looi në gäm de kë cï piŋ?

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

Ɣeberuu 4:2

Ku cït man cï wëlpiɛth ɣëët tëde wook, yen acï kek lɔ tëde keek ayadäŋ. Ku acïn këpiɛth cïk yök në löŋic, në luɔi cï kek e piŋ ku kënkï loor nɔm në gäm.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.