Romai 10:16 - JAM DE NHIALIC 2011

¹⁶ Ku akënkï wëlpiɛth gam kedhie, cït man cï Yithaya ye lueel an, “Bɛ̈nydït, eeŋa cï guiëërda gam?”

Romai 10:16 ပူးပေါင်းရင်းမြစ်များ

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Math 13:14

Jam acï Yithaya caar ɣɔn acï aa yic ë ke yiic, jam ë lueel an, “Të ya wek piŋ, ke we bï aa piŋ, ku we cïï wël bï aa yök yiic anandun. Ku të ya wek daai, ke we bï aa daai, ku we cïï käŋ bï aa gɔɔk anandun.

Jɔn 10:26

Ku acäkï gam, luɔi cä wek e thökkï, cït man wën cän e lɛ̈k week.

Luɔi 28:24

Go kɔc ka lueel gam, ku reec kɔ̈k.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 16:26

Ku acï tɔ tiëc ënɔɔnë, ku tɔ ŋic juöör ëbɛ̈n në kacïgɔ̈ɔ̈r ë tït, acït löŋ cïï Nhialic de pïïr athɛɛr lueel, bï kek wël aa piŋ ku gamkï ke.

Romai 2:8

Ku kɔc ë wël tɛɛr, kɔc reec yic gam, ku gamkï kërac, kek abï diu de Nhialic piɔ̈u yök kekë agɔ̈th.

Romai 3:3

Ku na ciɛk dɛ kɔc kɔ̈k kuc käŋ döt, eeŋö däŋ? Kuny kuc kek käŋ döt, bï ŋïny ŋicë Nhialic käŋ döt tɔ cïn naamde?

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Galatai 5:7

Wek aake ye riŋ apiɛth, eeŋa ë we pɛ̈n pïŋ piɛŋ wek yic?

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

Ɣeberuu 11:8

Aye gäm de yic aŋäth yen aa tɔ Abraɣam riëëu cɔ̈t cï Nhialic ye cɔ̈ɔ̈l bei wunden, ku leer wun cïï Nhialic lɛ̈k en an bï gäm en. Ago bɛ̈n jäl ku nyiëëŋ wunden piny ke kuc të le yen thïn.

Ɣeberuu 4:2

Ku cït man cï wëlpiɛth ɣëët tëde wook, yen acï kek lɔ tëde keek ayadäŋ. Ku acïn këpiɛth cïk yök në löŋic, në luɔi cï kek e piŋ ku kënkï loor nɔm në gäm.

Ɣeberuu 5:9

Ku të cï Yen dikëdik, acï ya kueer ë kuny de wëi aɣet athɛɛr, tëde kɔc ee jamde riëëu.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

1 Pet 3:1

Yen acït rëër bä wek aa rëër ë jam de röörkun yiic röörkun gup, wek diäär, ku na cak dɛ röör cïï jam gam, ka duëërëke tɔ gäm në täu piɛth de diëërken, na cakaa yen ë cïn gäm,