Romai 10:14 - JAM DE NHIALIC 2011

¹⁴ Ku ënɔɔnë, bïk raan aa cɔɔl rin adiaa raan kënkï gam? Ku bïk raan gam adï, raan kën kek këde piŋ? Ku bïk piŋ adï, të liiuwë raan ë keek guiir?

Romai 10:14 ပူးပေါင်းရင်းမြစ်များ

Jona 1:16

Ku kënë, acï kɔc lui abël wïïric tɔ rïïu Bɛ̈nydït aläldïïtë ku nɛ̈kkï käŋ lueelkï gutguut an, bïk Bɛ̈nydït aa lam ku luuikï.

Jona 1:5

Ago kɔc lui abël wïïric ëbɛ̈n riɔ̈ɔ̈c ku jɔ ŋɛk yanhde cɔɔl ku cɔl ŋɛk yanhde, acïk käŋ dɛɛny wïïr Ku dhëëthkï kajuëc kɔ̈k wïïr në biäk bïï abël wïïr pial. Ku Jona aa cï lɔ ë pulic në abëlic piny, ku aacï thiai ke nïn.

Math 20:7

Gokï bɛ̈ɛ̈r an, “Ee luɔi cïn en raan cï wo tɔ lui wëu. Go ke yɔ̈ɔ̈k an, “Lakï domic week, ke we bï miɔɔc ë këpiɛth.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 9:36

Go bɛ̈ɛ̈r, thiëëc an, “Ye ŋa, Bɛ̈nydït, kë bän e gam?”

Luɔi 19:2

go ke thiëëc an, “Cäk Wëidït ɣer nööm wään gäm wek?” Gokï yɔ̈ɔ̈k an, “Ei, ciɛk an, de Wëidït ɣer nu akënku piŋ ayadäŋ.”

Luɔi 8:31

Go lueel an, “Duɛ̈ɛ̈r ŋic adï, të cïn en raan bï a bɛ̈n nyuööth?” Go Pilip lɔ̈ŋ an, bä nhial, nyuc ë yalɔ̈ɔ̈m.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Epethiei 2:17

Na wën, ke bɔ̈, bï jam de mät bɛ̈n guiëër week, wek kɔc ë nu tëmec, ku guïïr kɔc ë nu tëthiɔ̈k aya:

Epethiei 4:21

të cä wek jamde piŋ, ku të cï we wɛ̈ɛ̈t në yen, në wëët yic nu ë Yecu yic:

Nyöŋ 30:13

Ku acie kë tɔ̈u ë wɛ̈ɛ̈r lɔŋtui, aguɔkï lop, an, “Eeŋa bï lɔ ë wɛ̈ɛ̈r lɔŋtui bï lɔ bɛ̈ɛ̈i ku bï bɛ̈n lɛ̈k wook agoku jɔ riëëu?

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Tito 1:3

ku acï jamde nyuöth kɔc ëkööldɛn piɛth në guiëër ë wëlpiɛth, guiëër cï tääu ë yacin këde löŋ de Nhialic Konyda.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.