Romai 10:12 - JAM DE NHIALIC 2011

¹² Acïn të cï kɔc keyiic tek, Judai ayï Girikii, ee Bɛ̈nydïït töŋë Bɛ̈ny nu ë kɔc nïïm kedhie, yen ee piɔ̈u adhuɛ̈ŋ ke kɔc cɔl en kedhie.

Romai 10:12 ပူးပေါင်းရင်းမြစ်များ

Diɛt 145:18

Athiɔ̈k ke kɔc ee ye cɔɔl, kɔc ee yen cɔɔl ë piɔ̈nden ëbɛ̈n.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Yith 55:6

Pukkï röt Bɛ̈nydït ku läŋkï, ënɔɔnë yen athiɔ̈k.

Luɔi 7:59

Gokï Thepano biöök ë kur, ke cöt, lueel an, “Bɛ̈nydït Yecu, loor wëikï!”

Luɔi 9:14

Ku acath ke riɛl ee tënë tëde bänydït ke ka Nhialic, bï kɔc bɛ̈n mac kedhie kɔc ee rinku cɔɔl.”

Romai 14:9

Ku yen aa thouwë Kërtho, ku jɔt rɔt be pïïr, luɔi bï en aa Bɛ̈nydïït ë kɔc cï thou ayï kɔc pïïr.

Romai 15:12

Ku be Yithaya luel an, “Abï dɛ meei de Jethe, Ku bï dɛ raan bï rɔt jɔ le Juöör cieŋ, Yen abï Juöör aa ŋɔ̈ɔ̈th.”

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.

1 Kor 15:47

Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial.

2 Kor 8:9

Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 2:4

Ku Nhialic Raan kok piɔ̈u aläl, në dït ë nhiëër ë nhiɛɛr en wook,

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Pilipoi 2:11

go liëp ëbɛ̈n Yecu Kërtho gam an, ee Bɛ̈nydït, ke Nhialic Wääda bï dhuëëŋ yök.

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

1 Tim 2:5

Nhialic tök tei en anu ku ade raan töŋ ee luk lueel raan nu ë kaam de Nhialic kekë kɔc, yen aye raan cɔl Kërtho Yecu,

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”