Romai 10:10 - JAM DE NHIALIC 2011

¹⁰ Gäm ee raan gam ë yepiɔ̈u yen aye yen piathëpiɔ̈u yök, ku luɛɛl ee raan gämde lueel ë yethok yen aye yen kunydewëi yök.

Romai 10:10 ပူးပေါင်းရင်းမြစ်များ

Mak 9:23

Go Yecu yɔ̈ɔ̈k an, “Të ŋic yïn gäm! Käŋ ayek lëu kedhie tëde raan ë gäm.”

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Luɔi 8:37

Go Pilip lueel an, “Të gam yïn ë yïpiɔ̈u ëbɛ̈n, ke yïn duëërë baptith.” Go bɛ̈ɛ̈r an, “Yɛn gam Yecu Kërtho nɔn ee yen Wën ë Nhialic.”

Romai 10:11

Ku këcïgɔ̈ɔ̈r aye lueel an, “Raan ëbɛ̈n raan gam en acïï bï yäär.”

Romai 10:9

Të gɛm yïn Bɛ̈nydït Yecu ë yïthok, ku gam ë yïpiɔ̈u, nɔn cï Nhialic e jɔt ë kɔc cï thou yiic, ke yïn bï kony wëi.

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

1 Jɔn 4:15

Të de en raan luel gämde, an, Yecu yen aye Wën ë Nhialic, ke Nhialic arɛ̈ɛ̈r ë yeyic, ku rëër ë Nhialicic.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.