Romai 1:31 - JAM DE NHIALIC 2011

³¹ kɔc cïn nïïm, kɔc cïn piɔ̈ɔ̈th, kɔc ee käŋ riic, kɔc cïn kokdepiɔ̈u.

Romai 1:31 ပူးပေါင်းရင်းမြစ်များ

Kɛ̈ŋ 18:2

Raan piɔl piɔ̈u acie diɛɛr në kë bï yökic, ee luɛl në kë ye tak yen anhiɛɛr.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 33:8

Kuɛɛr acï ke pɔ̈l, acïn raan ee bɛ cath thïn. Amɛɛt acï ke riɔ̈ɔ̈k ku dhoŋ löŋ cï mac kɔ̈u. Acïn raan be ë riëëu guöp.

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Math 15:16

Go Yecu lueel an, “Ŋuɔɔtkï ke we cïï käŋ ŋic ayadäŋ?

Mak 7:18

Go ke yɔ̈ɔ̈k an, “Ŋuɔɔtkï ke we kuc käŋ ayadäŋ? Kɛ̈nkï kënë yökic, an, Acïn kë ye lɔ ë raan guöp, kë wën nu biic, kë duëër raan tɔ rac:

Romai 3:11

Acïn raan ŋic käŋ, acïn raan ee Nhialic kɔɔr,

2Tim 3:3

kɔc cïï kɔcken ee nhiaar, kɔc reec mät, kɔc ee atuum caath, kɔc kuc röt muk, kɔc gäi piɔ̈ɔ̈th, kɔc cïï këpiɛth ee nhiaar,