Romai 1:30 - JAM DE NHIALIC 2011

³⁰ ayek kɔc ë kɔc cäk thook, kɔc man Nhialic, kɔc tät gup, röördït piɔ̈ɔ̈th, kɔc ee röt leec, kɔc ee cäp rac cak, kɔc ee ka ke kɔc ë dhiëth keek rɛɛc piŋ,

Romai 1:30 ပူးပေါင်းရင်းမြစ်များ

1 Mel 20:11

Go melik Aɣap bɛ̈ɛ̈r an, “lɛ̈kë melik Benɣadad nɔn ye rem de tɔŋ yic rɔt lɛɛc të cïï tɔŋ thök ë thɔ̈ɔ̈r, ku acïï rɔt ee lɛɛc në kakɛn ë tɔŋ të ŋoot ë tɔŋ.”

2 Lëk 19:2

Na wën ke Jeɣu wën de Ɣanani monydaai, lɔ rɔ̈m kekë melik ku lëk en an, “Ye tak ee yic bä kɔc ee karɛc looi kony, kɔɔr bä lɔ kɔ̈ɔ̈c we kɔc man Bɛ̈nydït? Kë cï looiyë acï agönh de Bɛ̈nydït bɛ̈ɛ̈i ë yïguöp.

2 Lëk 25:19

Ku ënɔɔnë Amadhia yïn go rɔt lɛɛc ë luɔi cïn kɔc ke Edom tiaam, ënɔɔnë yïn yɔ̈ɔ̈k bä rëër baai. Eeŋö kɔɔr yïn riääk bä bɛ̈ɛ̈i ë yïguöp wekë kɔcku?”

Diɛt 10:3

Kɔc rac ayek röt lɛɛc në kërɛɛc de kek piɔ̈ɔ̈th, röördït piɔ̈ɔ̈th ayek lam aciɛɛn ku reeckï Bɛ̈nydït.

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 49:6

kɔc ee karɛc looi ŋäth kuɛthden ee röt lɛɛc në wëukɛn juëc,

Diɛt 5:5

Yïn cïï duëër kɔ̈ɔ̈c në biäk de kɔc ee röt lɛɛc, Yïn man kɔc ee kërac looi kedhie.

Diɛt 52:1

Eeŋö ee yïn rɔt lɛɛc në kërɛɛcdu, raan ril? Eeŋö yïn kërac luöi kɔc piɛthpiɔ̈ɔ̈th. Piɔ̈n adöt ë Nhialic ee tɔ̈u athɛɛr.

Diɛt 81:15

Kɔc man Ɛn abïk kenïïm guöt piny ë Yanɔm në riɔ̈ɔ̈c, ku dui bïï ë keek dui abï tɔ̈u aɣet athɛɛr.

Diɛt 94:4

Agut cï nɛn yen bï kɔc ee karɛc looi röt lɛɛc? Ayek röt leec në luɔi de karɛc.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Diɛt 99:8

Bɛ̈nydït Nhialinyda, Yïn cï lɔ̈ŋ de kɔcku bɛ̈ɛ̈r, acï nyuöth keek nɔn Yïn Nhialic de päl de awɛ̈ɛ̈c, cakaa nɔn cï Yïn keek luöi këtuc në biäk de karɛcken.

Kɛ̈ŋ 24:8

Raan de kiɛɛr rac aye ŋic ke ye raan de guöp akɔ̈ɔ̈k.

Kɛ̈ŋ 25:23

Jam de yic mɛth agɔ̈th bɛ̈ɛ̈i, cït man ye yom de rut deŋ bɛ̈ɛ̈i.

Kɛ̈ŋ 30:17

Mïth cïï wärken ee riëëu ku rɛɛckï lööŋ ke märken, abïï gɛk ke wakic ke lɔ̈l nyïïn bei ku ŋueet ajël ke cuɔɔr keek.

Kɛ̈ŋ 8:36

Raan ëbɛ̈n raan kën ɛn kɔɔr abï rɔt yiëk buɔ̈t yetök, raan man ɛn, ka ee thuɔɔu yen ë nhiɛɛr.”

Wɛ̈ɛ̈t 7:29

Ku kë töŋ cä ŋic kï an, Nhialic ë raan cak ke piɛth piɔ̈u, ku ye raan ee rɔt yal në kuɛɛrkɛn kɔ̈kiic.

Edhekiɛl 14:5

Yiëth kedhie acïk baai de Yithriɛl yal wei tëde yɛn, ku në bëërdï yic aŋääth nɔn bän riëëuden bɛ pɔ̈k nɔm ciëën.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Kuɛ̈n 10:35

Ku të cï athänduk jäl, aaye Mothe lueel an, “Jɔt rɔt Bɛ̈nydït ku thiäi kɔc de wek ater, ku cop kɔc göth në yïn.

Math 15:4

Acï Nhialic lueel an, “Ye wuur riëëu kekë moor, ku an, ‘Raan ë jam rac lueel ë këde wun ayï man, në thou ë thonde.’

Math 16:21

Ëköölë acï Yecu kɔckɛn ë piööcë gɔl ë nyuuth luɔi bï en dhil jäl le Jeruthalem, ku luɔi bï en kajuëc guum tëde röördït ku bänydït ke ka ke Nhialic, ku kɔc ë löŋ gɔ̈ɔ̈r, ku bï nɔ̈k abï thou, ku bï rɔt bɛ jɔt ëkööl ee kek diäk.

Luk 21:16

Ku we bï kɔc ë dhiëth week nyiɛɛn, ku nyiin mïthëkɔckun week, ayï kɔc raan ë week, ayï määthkun, ku kɔ̈k në weyiic abï ke tɔ näk abïk thou.

Jɔn 7:7

Kɔc ke piny nɔm acïkï we duëër maan, ee yɛn mankï, në luɛl aa yɛn ë lueel an, luɔiden arac.

Luɔi 5:36

Raan cɔl Theuda ë rɔt jɔt wään, ago rɔt tɔ ye raan de naamde, ago kɔc mat ë yen, acït bot kaŋuan: ku acï nɔ̈k, ago rem piŋ këde agokï thiäi kedhie, abïk riäär.

Romai 2:17

Tïŋ, yïn cɔl Judai, ku rɛ̈ɛ̈rë ë löŋic, ku lec rɔt në Nhialic,

Romai 2:23

Yïn raan ë rɔt leec në löŋ, ye Nhialic tɔ bui, yïn, në wäc ee yïn löŋ wööcic?

Romai 3:27

Lɛc duëër raan rɔt leec akou ënɔɔnë? Aliu, aye nyai. Në löŋou? Në löŋ de luɔi? Acie yen, në löŋ de gäm, yen aa nyiɛɛiyë ye.

2 Kor 10:15

wo cïï röt duëër leec ë ka nu ë akenda baŋtui, kek aye luɔi ë looi kɔc kɔ̈k, ku kënë aŋäthku an, të cï gämdun rɔt guɔ ŋuak, ke riɛlda bï dït ë weyiic, ku ŋootku ke wo pëk akenda, agoku lɔ tueŋ.

2 Kor 12:20

Yɛn ë riɔ̈ɔ̈c, miäk, të cän bɛ̈n, ke we cït ka cä bï yök aye kɔc kaar ë yapiɔ̈u, ku yɛnguöp yɛn cït kë cäkï bï yök aye raan kaarkï ë wepiɔ̈ɔ̈th, yɛn ë riɔ̈ɔ̈c ë ciët kë bï dɛ ateer nu, ku tiɛɛl, ku agööth, ku tɔɔŋ, ku ciëk de thok, ku atuum, ku lɛc leec ë kɔc röt, ku awuööu.

Nyöŋ 27:16

‘Aciɛɛn de Nhialic abï tɔ̈u ë raan yeth, raan ee wun kekë man tɔ yäär.’ “Ku abïï kɔc kedhie jɔ bɛ̈ɛ̈r an, ‘Amiin!’

Nyöŋ 7:10

ku abï kɔc ee Yen maan dui.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

2Tim 3:2

Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, kɔc ee röt leec, kɔc ee röt tɔ ye adhuëŋ, kɔc ee lɔ̈t, kɔc ee ka ke kɔc ë dhiëth keek rɛɛc piŋ, kɔc ee thieithieei rɛɛc lueel, kɔc cïï piɔ̈ɔ̈th ɣer,

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

Jakop 3:5

Yen acït nɔn ee liep këthiinakäŋ, ku ye rɔt leec ë kajuëc. Wɔikï juëc de tiim bï ɣɔ̈k mac në many thiinakäŋ!

Jakop 4:16

Ku ënɔɔnë, wek ee röt tɔ ye adhuëŋ në lɛc aa wek röt leec, lɛc cït ee kënë ëbɛ̈n ee kërac.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.