Romai 1:18 - JAM DE NHIALIC 2011

¹⁸ Ku agönhdïït ë Nhialic agönh bɔ̈ nhial acï nyuɔɔth ë baŋ de reec reecë kɔc Nhialic gam ku baŋ de luɔi rɛɛc ee kɔc looi, kɔc ë yic waan ciëën në rac de kekpiɔ̈ɔ̈th.

Romai 1:18 ပူးပေါင်းရင်းမြစ်များ

Bɛ̈n 23:7

Du raan ciëk thok ë lueth, ku du raan cïn guöp awäc näk. Raan ëbɛ̈n, raan ee kërɛɛc cït ee kënë looi acä bï puɔ̈l.

Romai 1:19

Kë duëërë kɔc ŋic në këde Nhialic acï jɔ lɔ gɔk tëde keek, acïï Nhialic nyuöth keek.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Romai 2:3

Ku yïn ŋadï, yïn raan ee kɔc jɔ̈ɔ̈ny, kɔc ë ka cït ee kakë looi, ku ye kamankë looi gup, ye lueel ë yïpiɔ̈u, an, bä poth ë jäny bï Nhialic yï jɔ̈ɔ̈ny?

Romai 3:9

Jɔ aa ŋö? Wärkï keek ë piath? Ei, acie yen! Wok ë kɔc kɔn nyuööth, Judai ayï Girikii, nɔn rëër kek ë këracic kedhie.

Romai 4:15

Ee löŋ yen ë agɔ̈th bɛ̈ɛ̈i, ku të cïn löŋ, ke wäc ë kɔc wööc aliu.

Romai 5:6

Ku të wään ŋoot wok ke wok cïn riɛl, ke Kërtho ë jɔ thou ëkööldɛn piɛth në biäk de kɔc kuc Nhialic riëëu.

Romai 5:9

Ku ënɔɔnë, nɔn cï wo guɔ tɔ piɛthpiɔ̈ɔ̈th në riɛmde, ke kuny bï en wo kony në agɔ̈th yen apiɔl awär ee kënë arëët.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

Kolothai 3:6

Ee biäk de kakë yen abï agönh ë Nhialic ë kɔc reec gäm nïïm.

2 Theth 2:10

ku në mɛth bï en kɔc mär math në kërac, luɔi cï kek nhiëër ee yic rɛɛc dɔm, ke ke bï kony wëi.

2 Theth 2:6

Ku ënɔɔnë we ŋic kë pën en, ee luɔi bï en rɔt nyooth në köölde guöp.