Romai 1:16 - JAM DE NHIALIC 2011

¹⁶ Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 1:16 ပူးပေါင်းရင်းမြစ်များ

Diɛt 110:2

Ku Bɛ̈nydït abï thienydɛn de bääny tuööc ë Dhiɔn. Acï lueel an, “Ceŋ kɔckuön ke aterdu.”

Diɛt 119:46

Yɛn bï lööŋku lɛ̈k meliik ku yɛn cïï guöp bï riɔ̈ɔ̈c.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Jeremia 23:29

Jamdï acït mac, ku acït thɔn ë dëi ee kur dhuööŋ ë thorthor.

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Luk 9:26

Raan cï guöp riɔ̈ɔ̈c në biäkdï ku në biäk de wëlkï, raanë abï Wën ë Raan guöp riɔ̈ɔ̈c në biäkde, të bï yen ke dhuëëŋ de yenguöp, ku dhuëëŋ de wun, ku dhuëëŋ de tuucnhial ɣeriic.

Jɔn 7:35

Go Judai lueel kapäc, an, “Ee tënou bï raanë lɔ thïn, të cïï wok en bï yök? Bï lɔ tëde kɔc cï thiëi ë Girikii yiic, le Girikii aa wɛ̈ɛ̈t?

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Romai 10:17

Yen ka, Gäm abɔ̈ në pïŋ de wël, ku bɔ̈ pïŋ de wël në Kërtho.

Romai 15:19

ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër.

Romai 15:29

Ku aŋiɛc bɛ̈n bän bɛ̈n tëde wek, nɔn bän bɛ̈n në dït de athiɛɛi de wëlpiɛth ke Kërtho.

Romai 2:9

Ku yökkï këtuc bï keek dhal ku acɔ̈t bï kek nïïm acɔ̈t, raan ëbɛ̈n raan ë kërac looi, gɔl ë Judai, mɛt Girikii thïn aya.

Romai 4:11

Ago cuɛ̈l nööm, bï aa ŋïny bï ye ŋic, ku bï aa bɔ̈t de piathëpiɔ̈u cï yök në gäm, piathëpiɔ̈u ɣɔn cath kekë yen ɣɔn ŋoot en ke kënë cueel. Ago aa wun kɔc gäm kedhie, acakaa të kënë ke cueel, ke piathëpiɔ̈u bï tɔ ye këden ayadäŋ.

1 Kor 15:2

Ku yek wël cï we kony wëi ë keek, të ya wek jam cä guiëër week cök ë mɔ̈k wek e, të kën wek pëër gamic tei.

1 Kor 2:2

Yɛn cï löŋ teem ë yapiɔ̈u an, acïn kë bä ŋic ë weyiic, ee Yecu Kërtho etök, ku piëët ë piëëtë yen ë tim cï rïïu nɔm kɔ̈u.

1 Kor 2:4

Ku jamdï ayï guiëër ë ya yɛn guïïr aake cïn yiic wël ee kɔc wëŋ, wël ke pɛlënɔm de raan, aake ye cath në nyuuth ee Wëidït ke nyuɔɔth ayï riɛldɛndït,

1 Kor 9:12

Na cath kɔc kɔ̈k në riɛl bï we cieŋ aya, ke wook, cuku ke wär? Ku riɛlë aa cukë ye kɔɔr, wok ee këriëëc guum, ke wo cïï wëlpiɛth ke Kërtho bï aa pɛ̈n cäthden.

1 Kor 9:18

Ariöpdï jɔ aa ŋö? Ariöpdï kï, an, “Tën aa yɛn wëlpiɛth guiir, ke yɛn bï wëlpiɛth ke Kërtho aa guiir youyou tei, ke yɛn cïï bɛ̈ɛ̈nydï bï kuöc muk, bɛ̈ɛ̈ny cï gäm ɛn ë wëlpiɛth yiic.

2 Kor 2:12

Cöök däŋ, wään cän bɛ̈n Toroa bä wëlpiɛth ke Kërtho bɛ̈n guiir, ago Bɛ̈nydït kueer liëp thok yɛn.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 9:13

Ŋïny cï kek we ŋic piɔ̈ɔ̈th në luɔiduönë, yen aye kek Nhialic lɛc nɔm, në biäk de rëër rɛ̈ɛ̈r wek ë gämic gäm de wëlpiɛth ke Kërtho, ku në biäk de piɔ̈nduön adhuɛ̈ŋ aa wek keek miɔɔc ë kakun ayï kɔc kedhie.

Galatai 1:7

Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

1 Tim 1:11

kë cïï räm kekë wëlpiɛth ke dhuëëŋ de Nhialic de athiɛɛi, wëlpiɛth cï tääu ë yacin.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 1:16

Ë Bɛ̈nydït ë ye piɔ̈u kok ke dhiën ë Onethiporo: aaye ya dap muk wëi, ku aa cie yäär në jonh ë mac ɛn,

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

1 Pet 4:16

Ku na guum raan kërac në baŋ ee yen Kërthiaan, ke cïï yäär, ë lec Nhialic në rinke.