Romai 1:13 - JAM DE NHIALIC 2011

¹³ Ku yɛn de piɔ̈u luɔi ŋiɛc en week, wek mïthëkɔckuɔ, nɔn cän e lueel ë yapiɔ̈u raanjuëc në bɛ̈n bän bɛ̈n tëde week, ku yɛn cï pëën aɣet cï ënɔɔnë, yɛn kɔɔr kë bï luɔk ë weyiic ayadäŋ, acït man cän e yök ë juöör kɔ̈k yiic.

Romai 1:13 ပူးပေါင်းရင်းမြစ်များ

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Jɔn 12:24

Wek yɔ̈ɔ̈k ëyic an, nyin töŋ de rap të kën en lööny piny, thou, ka rɛ̈ɛ̈r etök: ku na thou, ka jɔ luɔk ë mïth juëc.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 4:36

Ku raan ë tem ee ariöp yök, ku ye rap kut nïïm ë këde pïïr athɛɛr, ago raan ee com ayï raan ee tem agokï piɔ̈ɔ̈th miɛt ëtök.

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Luɔi 15:12

Na wën, ke amatnɔm ëbɛ̈n ke ke jɔ mim, ku piŋkï këde Baranaba ku Paulo, ke ke guiir göök ku ka ye kɔc ke gäi, ka cïï Nhialic looi ë Juöör yiic në kecin.

Luɔi 19:21

Na wën, aacï kakë thök, ke lueel Paulo e yepiɔ̈u an, bï lɔ Jeruthalem, të cï en tëëk Makedonia ku Akaya, alueel an, “Na ëlëmiäk, të cän lɔ tɛ̈ɛ̈n, ke yɛn bï Roma dhil tïŋ aya.”

Luɔi 21:19

Na wën, aacï ke thiëëc, ke ke guïïr käŋ cöökë ku cöökë, ka cïï Nhialic looi ë Juöör yiic në luɔide.

Luɔi 28:14

Ade wɛ̈ɛ̈tamäthkuɔn cuk yök ëtɛ̈ɛ̈n, acïk wo cɔɔl an, buk rëër ë keek ë akööl kadhorou, ku jɔku ɣet Roma aya.

Romai 1:12

Yen aye kë bï wo muk piɔ̈ɔ̈th wokë week ëtök, në gäm cï wo gam wodhie, gämdun week ayï gämdï.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

Romai 7:1

Kuöckï week ënɔɔnë, wek mïthëkɔckuɔ, (yɛn jam wokë kɔc ŋic löŋ), kuöckï nɔn cieŋë löŋ raan anande të pïïr en?

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

1 Kor 10:1

Ku ënɔɔnë, mïthëkɔckuɔ, yɛn kɔɔr luɔi bä wek cöökë ŋic an, Kuarkuɔ aake nu ë luät thar kedhie, ku acïk abäpdit teem kedhie.

1 Kor 12:1

Jam de ka ke Wëi, wek Mïthëkɔckuɔ, yɛn cïn piɔ̈u luɔi bä wek e kuc.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

1 Kor 9:2

Acakaa yɛn ë cie tuc tëde kɔc kɔ̈k, ku tëde week yɛn dhil aa tuc: kë ë ŋiëc yen nɔn a yɛn tuc ee täu täu wek ë Bɛ̈nydïtic.

2 Kor 1:8

Ku wo cïn piɔ̈ɔ̈th luɔi bä wek ka cï dhal kuc, wek mïthëkɔckuɔ, ka cuk yök ë Athia, yïk cï wo yiëk piɔ̈ɔ̈th këthiek ëdot, ke cuku duëër lëu ë guöm, arëk acuk röt kuöc pïïr.

2 Kor 2:14

Ku thieithieei Nhialic, Raan ë cool ë tɔ wo tiam käŋ ë Kërtho yic, ago atuömde tɔ tiëc në wook ë baai nɔm ëbɛ̈n, atuöm de ŋïny bï kɔc e ŋic.

Galatai 3:15

Wek mïthëkɔckuɔ, yɛn jam ë jam ë kɔc tei: Löŋ cï mac, acakaa yen ë ye löŋ ë raan tei, të cï e mac ëgɔk, ka cïn raan bï e tɔ cïn naamde, ku acïn raan bï wël kɔ̈k tääu thïn.

Galatai 6:18

Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke wëikun, wek mïthëkɔckuɔ. Amiin.

Pilipoi 1:22

Ku të piëër ɛn ë piny nɔm, ke yɛn bï kak ë luɔidï ke luɔk yök, ku kë bä lɔc ë keyiic aja kuc.

Pilipoi 4:17

Acie miɔ̈c en kaar, ee ka ye luɔk ka bï aa kakun kek akaar, juëc bï kek juëc.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 1:6

wëlpiɛth cï ɣëët tëde week, acït man cï kek thiëi ë piny nɔm ëbɛ̈n aya, ku lokkï abïk juëc. Ku acïk luɔk ë weyiic ayadäŋ, gɔl ëkööl ɣɔn piɛŋ wek dhuëëŋ de Nhialic piɔ̈u ku jakï yökic ëgɔk.

1 Theth 2:18

yen aa ya yɛn bɛ̈n tëde week kɔɔr, yɛn Paulo guöp, nɔn bän bɛ̈n raantök, ku nɔn ee yen raanrou, go Catan wo pëën.

1 Theth 4:13

Ku wok cïn piɔ̈ɔ̈th luɔi bä wek e kuc, wek mïthëkɔckuɔ, në këde kɔc cï niin, ke we cïï piɔ̈ɔ̈th bï jiɛth aläl, cït man ë kɔc kɔ̈k, kɔc cïn kë ŋäthkï.

2 Theth 2:7

Luɔi de reec de löŋ luɔi de këcïmoony ee luui ënɔɔnë: ku raan pën en luɔi aläl anu ënɔɔnë aɣet të bï e nyaai ë ciɛɛlic.

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.