Pilipoi 4:8 - JAM DE NHIALIC 2011

⁸ Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

Pilipoi 4:8 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

2 Tham 1:23

“Wok nhiaar Thaulo kekë Jɔnathan, ɣɔn pïïr kek, ku në thonden yic, aŋickï riŋ cï cuɔɔr, ku arilkï cï köör.

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

Diɛt 82:2

“Wek bï kuöc guiëër de löŋ dhil pɔ̈l, ku duökï kɔc rac ee bɛ kony!

Kɛ̈ŋ 11:1

Kuöc thëm de yic cuëër ee gök de kërɛɛc mɛɛn Bɛ̈nydït, ee thëm piɛth yen anhiɛɛr.

Kɛ̈ŋ 12:4

Tiiŋ piɛth ee göl ë monyde, ku tiiŋ cïn guöp riëëu acït tëtök apajic në yuɔɔmde yic.

Kɛ̈ŋ 16:11

Ŋiëc thëm piɛth abɔ̈ tëde Bɛ̈nydït.

Kɛ̈ŋ 20:7

Raan adöt ee rëër ë piath ë piɔ̈uwic, aye mïthke döŋ në athiɛɛi.

Kɛ̈ŋ 31:10

Eeŋa bï tiiŋ piɛth yök? Ku yen ade naamdɛn wɛ̈ɛ̈r en kajuëc tuc ɣööcden.

Kɛ̈ŋ 31:29

Ku lueel an, “Ade diëër juëc ee kapiɛth looi, acïkï cït yïn awär keek kedhie.”

Kɛ̈ŋ 31:31

Tɔ lec në röördït wut ke ye ariöp de luɔide.

Diɛt ke 5:16

Thoŋde amit arɔ̈ŋ ke ciëm, këriëëc tɔ̈u ë biäkde ëbɛ̈n ee ya miët piɔ̈u. Yen täu tɔ̈u ë monydiën nhiaar ka, diëër ke Jeruthalem.

Yith 26:7

Bɛ̈nydït tɔ kueer de kɔc piɛth lipic, kueer ciɛth kek thïn acï kiëët.

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Mak 6:20

luɔi riɔ̈ɔ̈cë Ɣerod ë Jɔn, aŋic nɔn ee yen raan piɛthpiɔ̈u ku ye raan ɣeric, go ya döt apiɛth. Na wën, aye yen piŋ, aaye kajuëc looi, go këde aa piŋ në piɔ̈nmit.

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Luk 2:25

Ku ade raan nu Jeruthalem, cɔl Thimion, raanë apiɛthpiɔ̈u, ee Nhialic riëëu, ku ye muŋ bï Yithriɛl muk piɔ̈u tiit, ku tɔ̈u Wëidït ɣer në yen.

Luk 23:50

Na wën, dï, ke raan cɔl Jothep, raan nu ë löŋ de röördït yiic, ku ye raan piɛth ku piɛth ë löŋ,

Jɔn 7:18

Raan ë jam ëkëde yenhde ee lɛc de yenguöp en kɔɔr: ku raan kɔɔr lɛc de raan ë toc en, yen aye raan yic, ku cïnic kërac.

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 22:12

“Ku ade raan cɔl Anania, raan riëëu Nhialic ku döt löŋ, ku ye raan piɛth rin tëde Judai wään rɛ̈ɛ̈r ëtɛ̈ɛ̈n kedhie,

Luɔi 6:3

Na ënɔɔnë, wek mïthëkɔckuɔ, jakï röör kadhorou kɔɔr ë weyiic, röör cath ë rin piɛth ë kɔc yiic, ku cïk thiäŋ ë Wëidït ku pɛlënɔm, kɔc buk tääu ë luɔiyë nɔm.

Romai 13:13

Yok ŋiëc rëër apiɛth, luɔi ee yen aköl, yok thuëëc pɔ̈l, ku wïn ee mɔ̈u wo wit, ayï ŋɔ̈ɔ̈ŋ de tik ayï luɔi rac, ayï ater ayï tiɛɛl.

Romai 13:3

Ku bäny acïkï kɔc ee këpiɛth looi ee tɔ riɔ̈c, ee kɔc ee kërac looi kek aye ke tɔ riɔ̈c. De yïpiɔ̈u luɔi cïï yïn bï riɔ̈ɔ̈c ë bäny? Ye këpiɛth looi, ke bï yïn leec yen bɛ̈ny,

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

Romai 2:29

Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

2 Kor 13:7

Ku ënɔɔnë yɛn läŋ Nhialic ë biäkdun, ke cïn kërɛɛc bäk aa looi, acie luɔi bï wo tɔ ye kɔc piɛth, ee luɔi bä wek këpiɛth aa looi, na cakaa wok ë ye tɔ cït kɔc cï rɛɛc.

2 Kor 6:8

Në lɛc, ku në ciën lɛc, në rin piɛth ku në rin rac, acït kɔc ee kɔc math, ku wok ee kɔc yith,

2 Kor 8:18

Agoku mɛnhkënëda tooc kekë yen ëtök, raan cï leec ë ɣööt ke Nhialic yiic kedhie në baŋ de wëlpiɛth.

2 Kor 8:21

Agoku käŋ aa döt apiɛth, acie Bɛ̈nydït nɔm tei, ee kɔc nïïm ayadäŋ.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Epethiei 4:25

Yen päl wek lueth, ku yak yic lueel, ŋɛk ke raan rɛ̈ɛ̈r ke yen, në luɔi raan wok.

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Epethiei 6:14

Yen aa wek kɔ̈ɔ̈c, ke we cï weyiic duut në thiönh cɔl yic, ku tääukï ke bä wek weyöth kum, yen aye piathëpiɔ̈u,

Nyöŋ 16:20

Yak löŋ ŋiëc guiir apiɛth ku në yic, aguɔkï piny lɔ nööm, piny gëm ë Bɛ̈nydït Nhialicden week, aguɔkï ŋoot ke we cëŋ thïn.

Pilipoi 3:1

Cöök ciëën, wek mïthëkɔckuɔ an, Yak piɔ̈ɔ̈th miɛt ë Bɛ̈nydïtic. Gäär gäär ɛn week ee kamankë gup, acïï yɛn ee tɔ bäp, ku ee këpiɛth tëde week.

Kolothai 4:5

Rɛ̈ɛ̈rkï në kɔc nu biic ë rëër ë kɔc pelnïïm, ku yak ka ke ënɔɔnë wɛ̈ɛ̈r bei ë këracic.

1 Theth 4:12

Luɔi bä wek rëër ke we lɔ piɔ̈ɔ̈th gɔk në kɔc nu biic, ku cïn kë bï we dak.

1 Tim 2:2

në baŋ de meliik, ku kɔc nu ë kɔc nïïm kedhie, luɔi bï wo tɔ̈u ke wo rëër ke cïn riɔ̈ɔ̈c, ku rëërku ëdïu, në riëëu dïït ee wok Nhialic riëëu ku thɛ̈k ee wo kɔc theek.

1 Tim 3:11

Ku diëërken aya abïk aa diëër piɛth nïïm, ku cïkï ë mantuum, abïk aa diëër ŋic röt muk, diëër ee käŋ döt apiɛth kedhie.

1 Tim 3:4

Abï aa raan ee dhiënde ŋiëc cieŋ apiɛth, ee mïthke tɔ piŋ jam apiɛth, në riëëu ee kek kɔc riëëu,

1 Tim 4:12

Ë cïn raan ee yï biɔɔn në biäk de kuur koor yïn, tɔ rɔt ee raan piɛth duëërë kɔc cï gam täudu aa dɔmic, në jam, ku në rëër rëër yïn, ku nhiëër, ku wëi, ku gäm, ku ɣɛɛrëpiɔ̈u.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

1 Tim 5:2

ye diëër dït tɔ cït märkun, ku tɔ diëër kor cït nyïïrëkɔckun në ɣɛɛr ee yïn piɔ̈u ɣɛɛr ëwic.

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Tito 2:2

An, ë röördït ë ke ye röt tiit apiɛth, ku yek kɔc piɛth nïïm, kɔc ee nïïm tiëër, kɔc ee tɔ̈u apiɛth ë gäm, ku nhiëër, ku ruötëpiɔ̈u.

Tito 2:7

Ku yïn bï rɔt tɔ ye raan bï kɔc këde dɔmic, në luɔi piɛth ëbɛ̈n: tɔ wëëtdu tɔ̈u ke cïnic kënhiany, ke ye wëët thiek, cïnic ruëëny.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Ɣeberuu 11:2

Yen gäm yen aa tɔ kɔc ɣɔn thɛɛr yök rin piɛth ë Nhialic nɔm.

Ɣeberuu 13:18

Läŋkï në biäkda, agoku ŋoot ke wo lɔ piɔ̈ɔ̈th gɔk, ku athemku duëërku këpiɛth aa looi në akööl thook ëbɛ̈n.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 4:8

Ku cöök nu ë cök nïïm, ee nhiëër bä wek röt nhiaar aläl, nhiëër ee kutdïït ë karɛc kum.

2 Pet 3:1

Yɛn cï awerek kɔn gäär week, wek kɔc nhiaar, ku renden kï, ku në keyiic kaarou piɔ̈ɔ̈thkuön awai aya ke pɔ̈ɔ̈c abïk yïn, në täŋ aa yɛn we täk nïïm ë käŋ,

1 Jɔn 3:18

Wek mïththiaakäŋ, duökï kɔc ë nhiaar në jam tei, ku në liep tei, yok kɔc nhiaar në luɔi ku në yic.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Ruuth 3:11

Ku ënɔɔnë, du be diɛɛr, këriëëc ëbɛ̈n abä kiëët. Kɔckuɔ kedhie, aŋickï nɔn yïn tiiŋ piɛth.