Pilipoi 4:19 - JAM DE NHIALIC 2011

¹⁹ Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Pilipoi 4:19 ပူးပေါင်းရင်းမြစ်များ

Cäk 48:15

Ku thieei Jothep lueel an, “Nhialic wään ye wärkuɔ luööi: yï Abraɣam kekë Yithaak, abï mïthkë thieei! Abï Nhialic ke thieei, Nhialic ë tit ɛn agut cï ee köölë!

2 Tham 22:7

Yɛn ee Bɛ̈nydït cɔɔl në nuan cï a yök, Yɛn ee Nhialicdï cɔɔl bï a kony. Go ya piŋ röl Luaŋdɛn ë lɔ̈ŋ, acï dhiëndiën ë kuɔɔny piŋ.

2 Lëk 18:13

Go Mikaya pɔ̈k nɔm en an, “Cït man pïïr ë Bɛ̈nydït, yɛn bï kë cïï Nhialicdï lɛ̈k ɛn yen abä lueel!”

2 Lëk 31:8

Na wën cï ë melik Ɣedhekia kekë bänyke kajuëc cï ke gam tïŋ, gokï Bɛ̈nydït lɛc nɔm ku leec kɔckɛn ke Yithriɛl.

Neɣe 5:19

Yïn läŋ, Yïn Nhialic, ye ka cä luöi ë kɔckë tak ke ke ye ariöpdiën de athiɛɛi.

Neɣe 9:15

“Ɣɔn cïï cɔk ke nɔ̈k acï ke bɛ̈n gäm kuïn paannhial, ku gämë ke pïïu ë bɔ̈ bei ë kuuric ɣɔn cïï kek yal. Acï lɛ̈k keek an, bïk piny cï than an bä gäm keek dɔm.

Diɛt 104:24

Bɛ̈nydït, Yïn cï kajuëc looi! Acï ke looi kedhie në pɛlënɔm! Pinynɔm acï thiäŋ kekë läiku.

Diɛt 130:7

Yithriɛl ŋäthkï Bɛ̈nydït, në biäk de nhiëërdɛn agɔk, ku aye kɔɔr bï kɔc kony ë ceŋ.

Diɛt 36:8

Wok ee dhuëëŋ looi në këcam dïït nu ɣöndu, yïn ee wook tɔ dëk në pïïu ke kiir de piathdu.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Danyel 6:22

Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Maika 7:7

Ku yɛn bï Bɛ̈nydït woi nyin, ku tiɛɛt Nhialicdï në luɔi bï yen a kony, ku Nhialicdï abï ya piŋ thok.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Math 6:32

Kake kedhie aye juöör ke kɔɔr, ku aŋic wuöörduön nu paannhial nɔn kaar wek kake kedhie.

Jɔn 20:17

Go Yecu yɔ̈ɔ̈k an, “Du ya jak guöp, yɛn ŋoot ke yɛn kën lɔ nhial tëde wäär. Jɔ lɔ tëde wɛ̈ɛ̈tamäthkuɔ, lɛ̈kë keek, an, Yɛn lɔ nhial tëde Wäär, ku ye Wuöördun, ku la tëde Nhialicdï, ku ye Nhialicdun.”

Jɔn 20:27

Go Thoma yɔ̈ɔ̈k an, “Bɛ̈ɛ̈iyë yïciin eenë, ciin thiinë ku woi a cin, ku bɛ̈ɛ̈iyë yïciin, luötë ë yalɔ̈ɔ̈m: ku du gäm reec, gämë!”

Romai 1:8

Cöök tueŋ ka, yɛn lec Nhialicdï në Yecu Kërtho ë biäkdun week wedhie, luɔi cï gämdun lueel ë piny nɔm ëbɛ̈n.

Romai 11:33

Eeŋö dïïtë pɛlënɔm de Nhialic aya, ayï ŋïny ŋic en käŋ! Lööŋkɛn cï guiir bï raan ke gii thäär nɛn, ku kuɛɛrke bï raan ke yök adï?

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Romai 8:18

Cöök cä kueen ë yapiɔ̈u ka an, Karac yok guum ënɔɔnë, acïnkï naamden, acïkï duëërë kiëët ë dhuëëŋ bï dap nyuöth wook.

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Pilipoi 4:7

Ku män Nhialic, män ee kɔc dhal ë ŋïc kedhie, abï week gël piɔ̈ɔ̈th ku gël ka yak tak ë Kërtho Yecuyic.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

Pile 1:4

Yɛn ee Nhialinydï leec, ku yïn a cool ë luɛɛl rin ë lɔ̈ŋdïyic.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.