Pilipoi 4:18 - JAM DE NHIALIC 2011

¹⁸ Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

Pilipoi 4:18 ပူးပေါင်းရင်းမြစ်များ

Bɛ̈n 29:18

Ku nyop nyɔk ëbɛ̈n në yïk nɔm, ke ye miɔ̈c ye nyuöp Bɛ̈nydït, atuɔ̈mde ee Ya miët piɔ̈u.

Kuɛ̈n 15:3

Ku kaarkï nɔn miɔɔc wek Bɛ̈nydït në miɔ̈c ye nyop ëbɛ̈n, nɔn ee thɔ̈k yen gamkï, ku nɔn ee weŋ ke ye miɔ̈c de miɛtëpiɔ̈u, nɔn yen miɔ̈c ye nyop ëbɛ̈n, ku nɔn yen miɔ̈c cïï raan kuëëŋ bï gam, ku nɔn yen miɔ̈c ë tɛk këde yetök, ku nɔn yen miɔ̈c de dhuëëŋ.

Luɔi 10:4

Na wën, aacï woi guöp, ke päu piɔ̈u, ku lueel an, “Ee käŋö Bɛ̈nydït?” Go ë tunynhial yɔ̈ɔ̈k an, “Lɔ̈ŋdu ku miɔ̈cduön ë kɔc kuanynyïïn acïk ɣet nhial ë Nhialic nɔm an, bïk aa ka bï Nhialic aa tak.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

2 Kor 11:8

Yɛn ë wëu ke ɣööt ke Nhialic kɔ̈k rum, wään nɔ̈ɔ̈m ɛn ariöp tëde keek, luɔi bän këdun aa looi.

2 Kor 9:12

Luɔi ë kuny ee kɔc röt konyë ee kɔc ɣerpiɔ̈ɔ̈th tɔ kueth aläl në kë dak keek, ku acie yen etök, piath de luɔiyë ee rɔt ŋuak aya, në luɛl ee kɔc e lueel an, thieithieei Nhialic, ëcaŋɣɔn.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Pilipoi 4:12

Yɛn ŋic kuur duëërë ya tɔ koor, ku ŋiɛc bäny bä yɛn bäny: në këriëëc ëbɛ̈n ku në käŋ yiic kedhie yɛn cï wëët ëgɔk, kuɛth bän kuɛth, ku guöm bän cɔk guum, ayï bäny bän bäny ayï dak bän dak ë käŋ.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

Ɣeberuu 13:16

Ku duökï nïïm ee määr në luɔi de këpiɛth, thɛmkï bäk kakun aa rɔm në kɔc nuan, kënë ayadäŋ acït miɔ̈c cï gäm Nhialic, ku ee Yen tɔ mit piɔ̈u aläl.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.