Pilipoi 4:1 - JAM DE NHIALIC 2011

¹ Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

Pilipoi 4:1 ပူးပေါင်းရင်းမြစ်များ

Jop 31:36

Aduɛ̈ɛ̈r kaar ë yakɔ̈u ku cieŋ ë yanɔm ke cït göl.

Diɛt 125:1

Kɔc ee Bɛ̈nydït ŋɔ̈ɔ̈th acïtkï Kuur de Dhiɔn cïï duëërë bɛŋ, ku cïï duëërë wuuk.

Diɛt 27:14

Tit kuɔɔny de Bɛ̈nydït. Rit yïpiɔ̈u ku tɔ rɔt ril, ku tit kuɔɔny de Bɛ̈nydït.

Math 10:22

Ku we bï maan ë kɔc kedhie në baŋ de rinkï, ku raan ë yepiɔ̈u ruut aɣet të bï käŋ thök, yen abï kony wëi.

Jɔn 8:31

Go Yecu Judai wën cï ye gam yɔ̈ɔ̈k an, “Të täu wek ë jamdï yic, ka wek ee kɔckiën ë piööcë në yic,

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

2 Kor 1:14

acït man cä wek wo kɔn gam ë biäk an, yok lɛcduön aa wek röt leec, cït man aa wek lɛcda ayadäŋ ëkööl ë Bɛ̈nydan Yecu.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 1:8

Nhialic ee cäätɔdï, ee täŋ aa yɛn we tak arëët wedhie në nhiëër ë Yecu Kërtho.

Pilipoi 2:16

ku yak jam ë pïïr mɔ̈k nhial cït man ë kuthyuui, yen abän dɛ kë bän rɔt leec ëkööl ë Kërtho an, acie ɣɔ̈ric en e riɛŋ ɛn, ku yen luööi yɛn.

Pilipoi 2:26

Acä tooc, luɔi cï en we tak wedhie, ku acï wëi miɛt, luɔi cä wek e piŋ nɔn ë de en guöp juäi.

Kolothai 4:12

Wek thiëëc Epapara, raandun, ku ye raan ee Yecu Kërtho luööi, ee cool ë nɛ̈k rɔt piny ë lɔ̈ŋdeyic në biäkdun, ke we bï aa kɔ̈ɔ̈c aril, ke we bï piɔ̈ɔ̈th aa dikëdik ku kuɛthkï në këde piɔ̈n ë Nhialic ëbɛ̈n.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

2 Theth 2:15

Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

2 Pet 3:17

Ku week, wek kɔc nhiaar, në ŋïny cäk wek kakë kɔn ŋic, yak röt tiit, ke we cïï bï thɛl wei në kɔc reec löŋ gam ëtök, në wäc ee kek käŋ wööc, aguɔkï cuö wiëëk të wään kan wek kɔ̈ɔ̈c aril.